10 qańtarda Qazaqstanda 746 adamǵa koronavirýs juqqany testpen rastaldy. 27 adamǵa koronavirýs pnevmoniiasy diagnozy qoiyldy. Bir kúnde 1 adam - koronavirýstan, 1 adam koronavirýs pnevmoniiasynan qaitys boldy. Densaýlyq saqtaý ministrliginiń 11 qańtar tańerteń habarlamasynda osyndai málimet kórsetilgen.
Ótken táýlikte respýblika boiynsha Almaty qalasy naýqastar sany jóninen aldyńǵy orynǵa shyqqan. Munda bir kúnde 120 adamnyń PTR-testi oń shyqqan. Atyraý oblysynda - 73, Pavlodar oblysynda - 65, Qostanai oblysynda - 63, Almaty oblysynda - 63, Aqmola oblysynda - 59, Nur-Sultanda - 55, Soltústik Qazaqstan oblysynda - 52, Batys Qazaqstan oblysynda - 46, Qaraǵandy oblysynda - 40, Shyǵys Qazaqstan oblysynda 38 adamnan koronavirýs infektsiiasy anyqtalǵan. Shymkentte - 20, Jambyl oblysynda - 16, Túrkistan men Qyzylorda oblysynyń árqaisynda 8 adam Covid-ke shaldyqqan. Aqtóbe oblysynda - 10, Mańǵystaý oblysynda 10 naýqas tirkelgen.
Naýryz aiynan beri 163 019 adamnyń PTR-testi oń shyqqan, 2360-y qaitys bolǵan. 149 082 adam jazylǵan.
Qazaqstan biligi 1 tamyzdan beri pnevmoniianyń koronavirýsqa uqsas túrine jeke kod berip, bólek eseptep keledi. Dúniejúzilik densaýlyq saqtaý uiymy belgileri koronavirýsqa uqsas pnevmoniia túrin de Covid dep anyqtaýǵa keńes bergen. Biraq Qazaqstanda PTR-testi oń shyqqandar men PTR-testi teris, biraq klinikalyq belgileri boiynsha koronavirýsqa keletinder bólek esepteledi. 1 tamyzdan beri 46 350 adam koronavirýs pnevmoniiasyna shaldyqqan. 525 adam qaitys bolǵan. 33 904 adam jazylǵan.
Qazir koronavirýstan 23 498 adam (11 577-iniń PTR-testi oń shyqqan) emdelip jatyr. 272 adamnyń jaǵdaiy aýyr, 54 naýqastyń jaǵdaiy óte aýyr. 45 adam jasandy tynys apparatyna qosylǵan.
