10 قاڭتاردا قازاقستاندا 746 ادامعا كوروناۆيرۋس جۇققانى تەستپەن راستالدى. 27 ادامعا كوروناۆيرۋس پنەۆمونيياسى دياگنوزى قويىلدى. بٸر كٷندە 1 ادام - كوروناۆيرۋستان, 1 ادام كوروناۆيرۋس پنەۆمونيياسىنان قايتىس بولدى. دەنساۋلىق ساقتاۋ مينيسترلٸگٸنٸڭ 11 قاڭتار تاڭەرتەڭ حابارلاماسىندا وسىنداي مەلٸمەت كٶرسەتٸلگەن.
ٶتكەن تەۋلٸكتە رەسپۋبليكا بويىنشا الماتى قالاسى ناۋقاستار سانى جٶنٸنەن الدىڭعى ورىنعا شىققان. مۇندا بٸر كٷندە 120 ادامنىڭ پتر-تەستٸ وڭ شىققان. اتىراۋ وبلىسىندا - 73, پاۆلودار وبلىسىندا - 65, قوستاناي وبلىسىندا - 63, الماتى وبلىسىندا - 63, اقمولا وبلىسىندا - 59, نۇر-سۇلتاندا - 55, سولتٷستٸك قازاقستان وبلىسىندا - 52, باتىس قازاقستان وبلىسىندا - 46, قاراعاندى وبلىسىندا - 40, شىعىس قازاقستان وبلىسىندا 38 ادامنان كوروناۆيرۋس ينفەكتسيياسى انىقتالعان. شىمكەنتتە - 20, جامبىل وبلىسىندا - 16, تٷركٸستان مەن قىزىلوردا وبلىسىنىڭ ەرقايسىندا 8 ادام Covid-كە شالدىققان. اقتٶبە وبلىسىندا - 10, ماڭعىستاۋ وبلىسىندا 10 ناۋقاس تٸركەلگەن.
ناۋرىز ايىنان بەرٸ 163 019 ادامنىڭ پتر-تەستٸ وڭ شىققان, 2360-ى قايتىس بولعان. 149 082 ادام جازىلعان.
قازاقستان بيلٸگٸ 1 تامىزدان بەرٸ پنەۆمونييانىڭ كوروناۆيرۋسقا ۇقساس تٷرٸنە جەكە كود بەرٸپ, بٶلەك ەسەپتەپ كەلەدٸ. دٷنيەجٷزٸلٸك دەنساۋلىق ساقتاۋ ۇيىمى بەلگٸلەرٸ كوروناۆيرۋسقا ۇقساس پنەۆمونييا تٷرٸن دە Covid دەپ انىقتاۋعا كەڭەس بەرگەن. بٸراق قازاقستاندا پتر-تەستٸ وڭ شىققاندار مەن پتر-تەستٸ تەرٸس, بٸراق كلينيكالىق بەلگٸلەرٸ بويىنشا كوروناۆيرۋسقا كەلەتٸندەر بٶلەك ەسەپتەلەدٸ. 1 تامىزدان بەرٸ 46 350 ادام كوروناۆيرۋس پنەۆمونيياسىنا شالدىققان. 525 ادام قايتىس بولعان. 33 904 ادام جازىلعان.
قازٸر كوروناۆيرۋستان 23 498 ادام (11 577-ٸنٸڭ پتر-تەستٸ وڭ شىققان) ەمدەلٸپ جاتىر. 272 ادامنىڭ جاعدايى اۋىر, 54 ناۋقاستىڭ جاعدايى ٶتە اۋىر. 45 ادام جاساندى تىنىس اپپاراتىنا قوسىلعان.
