Qazaqstanda zańǵa qaishy 673 internet-resýrs pen siltemelerdi taratýǵa shekteý qoiyldy. Bul týraly aqparat jáne qoǵamdyq damý ministrliginiń aqparat komiteti habarlady.
"QR AQDM Aqparat komiteti Qazaqstan Respýblikasy zańnamasynyń talaptaryn saqtaý turǵysynan áleýmettik mediany qosa alǵanda, aqparattyq alańǵa turaqty negizde monitoring júrgizedi. Monitoringte respýblikalyq jáne óńirlik BAQ, telearnalar, otandyq jáne sheteldik internet-resýrstar qamtylǵan.
2022 jyldyń 1-30 sáýiri aralyǵynda «Bailanys týraly» Qazaqstan Respýblikasy Zańynyń 41-1 babynyń 1-1 tarmaǵyna sáikes ýákiletti organnyń uiǵarymymen 673 internet-resýrs pen siltemelerdi taratýǵa shekteý qoiyldy" - delingen habarlamada.
Olardan mynadai zańbuzýshylyqtar anyqtaldy:
– ekstremizmdi nasihattaý – 5;
– pornografiiany taratý – 133;
– esirtki, psihotroptyq zattardy, olardyń analogtary men prekýrsorlaryn nasihattaý – 20;
– oiyn biznesi – 272;
– jarnama – 24;
– ákimshilik quqyq buzýshylyq – 4;
– alaiaqtyq – 197;
– balanyń densaýlyǵyna, adamgershilik jáne rýhani damýyna ziian keltiretin aqparatty ornalastyrý – 18.
"Budan basqa, Komitet BAQ-ty esepke qoiý boiynsha jumys júrgizedi.
Sáýir aiynda Qazaqstanda 22 BAQ tirkelgen, onyń ishinde – 7 merzimdi baspa basylymy, 14 aqparattyq agenttik jáne jelilik basylym (6 AA, 8 JB), 1 sheteldik telearna. Sondai-aq, 38 BAQ qaita esepke alyndy.
Osylaisha, 3 mamyrdaǵy jaǵdai boiynsha: Qazaqstanda 5173 BAQ tirkelgen, onyń ishinde – 3672 merzimdi baspa basylymy, 191 telearna, 84 radio, 948 aqparattyq agenttik pen jelilik basylym (533 AA, 415 JB).
Otandyq BAQ – 4895, sheteldik BAQ - 278.
Tirkelgen BAQ-tyń jalpy sanynyń ishinen eń kóbi – baspa toby (3672); onyń ishinde – 2179 gazet jáne 1493 jýrnal" - deidi ministrlik.
