قازاقستاندا زاڭعا قايشى 673 ينتەرنەت-رەسۋرس پەن سٸلتەمەلەردٸ تاراتۋعا شەكتەۋ قويىلدى. بۇل تۋرالى اقپارات جەنە قوعامدىق دامۋ مينيسترلٸگٸنٸڭ اقپارات كوميتەتٸ حابارلادى.
"قر اقدم اقپارات كوميتەتٸ قازاقستان رەسپۋبليكاسى زاڭناماسىنىڭ تالاپتارىن ساقتاۋ تۇرعىسىنان ەلەۋمەتتٸك مەديانى قوسا العاندا, اقپاراتتىق الاڭعا تۇراقتى نەگٸزدە مونيتورينگ جٷرگٸزەدٸ. مونيتورينگتە رەسپۋبليكالىق جەنە ٶڭٸرلٸك باق, تەلەارنالار, وتاندىق جەنە شەتەلدٸك ينتەرنەت-رەسۋرستار قامتىلعان.
2022 جىلدىڭ 1-30 سەۋٸرٸ ارالىعىندا «بايلانىس تۋرالى» قازاقستان رەسپۋبليكاسى زاڭىنىڭ 41-1 بابىنىڭ 1-1 تارماعىنا سەيكەس ۋەكٸلەتتٸ ورگاننىڭ ۇيعارىمىمەن 673 ينتەرنەت-رەسۋرس پەن سٸلتەمەلەردٸ تاراتۋعا شەكتەۋ قويىلدى" - دەلٸنگەن حابارلامادا.
ولاردان مىناداي زاڭبۇزۋشىلىقتار انىقتالدى:
– ەكسترەميزمدٸ ناسيحاتتاۋ – 5;
– پورنوگرافييانى تاراتۋ – 133;
– ەسٸرتكٸ, پسيحوتروپتىق زاتتاردى, ولاردىڭ انالوگتارى مەن پرەكۋرسورلارىن ناسيحاتتاۋ – 20;
– ويىن بيزنەسٸ – 272;
– جارناما – 24;
– ەكٸمشٸلٸك قۇقىق بۇزۋشىلىق – 4;
– الاياقتىق – 197;
– بالانىڭ دەنساۋلىعىنا, ادامگەرشٸلٸك جەنە رۋحاني دامۋىنا زييان كەلتٸرەتٸن اقپاراتتى ورنالاستىرۋ – 18.
"بۇدان باسقا, كوميتەت باق-تى ەسەپكە قويۋ بويىنشا جۇمىس جٷرگٸزەدٸ.
سەۋٸر ايىندا قازاقستاندا 22 باق تٸركەلگەن, ونىڭ ٸشٸندە – 7 مەرزٸمدٸ باسپا باسىلىمى, 14 اقپاراتتىق اگەنتتٸك جەنە جەلٸلٸك باسىلىم (6 اا, 8 جب), 1 شەتەلدٸك تەلەارنا. سونداي-اق, 38 باق قايتا ەسەپكە الىندى.
وسىلايشا, 3 مامىرداعى جاعداي بويىنشا: قازاقستاندا 5173 باق تٸركەلگەن, ونىڭ ٸشٸندە – 3672 مەرزٸمدٸ باسپا باسىلىمى, 191 تەلەارنا, 84 راديو, 948 اقپاراتتىق اگەنتتٸك پەن جەلٸلٸك باسىلىم (533 اا, 415 جب).
وتاندىق باق – 4895, شەتەلدٸك باق - 278.
تٸركەلگەن باق-تىڭ جالپى سانىنىڭ ٸشٸنەن ەڭ كٶبٸ – باسپا توبى (3672); ونىڭ ٸشٸندە – 2179 گازەت جەنە 1493 جۋرنال" - دەيدٸ مينيسترلٸك.
