Elimizde ken oryndaryn igerý mindettemesi oryndalmaityn 27 kelisimshart anyqtaldy. Bul týraly QR Energetika ministri Bolat Aqsholaqov aitty, dep habarlaidy QazAqparat.
«Prezidenttiń 2022 jylǵy 21 qańtardaǵy qazaqstandyq iri biznes ókilderimen kezdesýde bergen tapsyrmasy aiasynda ministrlik paidalanylmaityn ken oryndaryna tekserý júrgizdi. Jumys nátijesi boiynsha búgingi tańda mindettemeler oryndalmaityn 27 kelisimshart bar ekendigi anyqtaldy», - dedi ol ministrliktiń keńeitilgen alqa otyrysynda.
Onyń atap ótýinshe, ministrlik 3 kelisimsharttyń qoldanysyn toqtatty.
Qalǵan 24 kelisimshart boiynsha bir aidan úsh aiǵa deiin joiý merzimimen kelisimsharttyq mindettemelerdiń buzylǵany týraly habarlama jiberdi.
«Vitse-ministr Ashat Hasenovke jer qoinaýyn paidalanýshylar óz mindettemelerin oryndamaǵan jaǵdaida, osy ken oryndaryn igerýge qabiletti investorlarǵa odan ári berý úshin aýmaqty qaitarýdy tapsyramyn», - dedi Bolat Aqsholaqov.
