ەلٸمٸزدە كەن ورىندارىن يگەرۋ مٸندەتتەمەسٸ ورىندالمايتىن 27 كەلٸسٸمشارت انىقتالدى. بۇل تۋرالى قر ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«پرەزيدەنتتٸڭ 2022 جىلعى 21 قاڭتارداعى قازاقستاندىق ٸرٸ بيزنەس ٶكٸلدەرٸمەن كەزدەسۋدە بەرگەن تاپسىرماسى اياسىندا مينيسترلٸك پايدالانىلمايتىن كەن ورىندارىنا تەكسەرۋ جٷرگٸزدٸ. جۇمىس نەتيجەسٸ بويىنشا بٷگٸنگٸ تاڭدا مٸندەتتەمەلەر ورىندالمايتىن 27 كەلٸسٸمشارت بار ەكەندٸگٸ انىقتالدى», - دەدٸ ول مينيسترلٸكتٸڭ كەڭەيتٸلگەن القا وتىرىسىندا.
ونىڭ اتاپ ٶتۋٸنشە, مينيسترلٸك 3 كەلٸسٸمشارتتىڭ قولدانىسىن توقتاتتى.
قالعان 24 كەلٸسٸمشارت بويىنشا بٸر ايدان ٷش ايعا دەيٸن جويۋ مەرزٸمٸمەن كەلٸسٸمشارتتىق مٸندەتتەمەلەردٸڭ بۇزىلعانى تۋرالى حابارلاما جٸبەردٸ.
«ۆيتسە-مينيستر اسحات حاسەنوۆكە جەر قويناۋىن پايدالانۋشىلار ٶز مٸندەتتەمەلەرٸن ورىنداماعان جاعدايدا, وسى كەن ورىندارىن يگەرۋگە قابٸلەتتٸ ينۆەستورلارعا ودان ەرٸ بەرۋ ٷشٸن اۋماقتى قايتارۋدى تاپسىرامىن», - دەدٸ بولات اقشولاقوۆ.
