Qazir elimizde 155 myń tonna qus etine arnalǵan 12 joba jobalaý men iske asyrylý kezeńinde tur. Bul týraly Aýyl sharýashylyǵy ministri Saparhan Omarov málim etti, dep habarlaidy QazAqparat.
«Salaǵa investitsiialar salynýda, jańa qýattylyqtar iske qosylýda jáne qolda bar qýattylyqtar keńeitilýde. «Makinsk qus fabrikasy» (qýaty 25 myń tonna – birinshi kezeń) paidalanýǵa berildi, «Áýlie-ata Feniks» qus fabrikasynda keńeitý (5 myń tonnaǵa) jumystary aiaqtaldy. Nátijesinde, óndiris 3 jyl ishinde 24 paiyzǵa ulǵaiyp, 222,9 myń tonnany qurady. Tiisinshe, import úlesi 50 paiyzdan 44,6 paiyzǵa tómendedi», - dedi ministr Parlament Májilisindegi Úkimet saǵatynda.
S. Omarovtyń sózine qaraǵanda, qus etimen qamtamasyz etý úshin jalpy qýaty 200 myń tonna bolatyn qus fabrikasy qosymsha paidalanýǵa engiziletin bolady. Qazir elimizde 155 myń tonna qus etine arnalǵan 12 joba jobalaý men iske asyrylý kezeńinde tur.
Budan buryn habarlanǵandai, Májilistegi Úkimet saǵatynda Aýyl sharýashylyǵy ministri Saparhan Omarov qai ónimder importtalatynyn aitty.
Sonymen qatar vedomstvo basshysy elimizde shamamen 5,8 mln tonna sút óndirilgenimen, sút zaýyttarynyń júktelýi qazir shamamen 65 paiyzdy qurap turǵanyn jetkizdi.
