قازٸر ەلٸمٸزدە 155 مىڭ توننا قۇس ەتٸنە ارنالعان 12 جوبا جوبالاۋ مەن ٸسكە اسىرىلۋ كەزەڭٸندە تۇر. بۇل تۋرالى اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«سالاعا ينۆەستيتسييالار سالىنۋدا, جاڭا قۋاتتىلىقتار ٸسكە قوسىلۋدا جەنە قولدا بار قۋاتتىلىقتار كەڭەيتٸلۋدە. «ماكينسك قۇس فابريكاسى» (قۋاتى 25 مىڭ توننا – بٸرٸنشٸ كەزەڭ) پايدالانۋعا بەرٸلدٸ, «ەۋليە-اتا فەنيكس» قۇس فابريكاسىندا كەڭەيتۋ (5 مىڭ تونناعا) جۇمىستارى اياقتالدى. نەتيجەسٸندە, ٶندٸرٸس 3 جىل ٸشٸندە 24 پايىزعا ۇلعايىپ, 222,9 مىڭ توننانى قۇرادى. تيٸسٸنشە, يمپورت ٷلەسٸ 50 پايىزدان 44,6 پايىزعا تٶمەندەدٸ», - دەدٸ مينيستر پارلامەنت مەجٸلٸسٸندەگٸ ٷكٸمەت ساعاتىندا.
س. وماروۆتىڭ سٶزٸنە قاراعاندا, قۇس ەتٸمەن قامتاماسىز ەتۋ ٷشٸن جالپى قۋاتى 200 مىڭ توننا بولاتىن قۇس فابريكاسى قوسىمشا پايدالانۋعا ەنگٸزٸلەتٸن بولادى. قازٸر ەلٸمٸزدە 155 مىڭ توننا قۇس ەتٸنە ارنالعان 12 جوبا جوبالاۋ مەن ٸسكە اسىرىلۋ كەزەڭٸندە تۇر.
بۇدان بۇرىن حابارلانعانداي, مەجٸلٸستەگٸ ٷكٸمەت ساعاتىندا اۋىل شارۋاشىلىعى مينيسترٸ ساپارحان وماروۆ قاي ٶنٸمدەر يمپورتتالاتىنىن ايتتى.
سونىمەن قاتار ۆەدومستۆو باسشىسى ەلٸمٸزدە شامامەن 5,8 ملن توننا سٷت ٶندٸرٸلگەنٸمەن, سٷت زاۋىتتارىنىڭ جٷكتەلۋٸ قازٸر شامامەن 65 پايىزدى قۇراپ تۇرعانىن جەتكٸزدٸ.
