Foto: ashyq derekkóz
Elimizde ózin qumar oiyndardan shektegen adamdar sany 150 myńnan asqan, dep habarlaidy "Ult aqparat" Týrizm jáne sport ministrligine silteme jasap.
Sonyń ishinde 149 973 adam onlain (eGov mobile) ótinish berse, 3 213 adam jazbasha ótinish qaldyrǵan.
18 naýryzdan bastap azamattarǵa qumar oiyndarǵa qatysýyn 6 aidan 1 jylǵa deiin óz betinshe shekteýge múmkindik beretin onlain servis jumys isteidi. Osy ýaqyt ishinde ózine tyiym salǵysy keletinder sany aitarlyqtai ósti. Ózin-ózi shekteý tek zańdy, litsenziiasy bar oiyn kompaniialaryna qatysty.
Ranking.kz sarapshylarynyń baǵalaýy boiynsha qazaqstandyqtar ótken jyly qumar oiyndarǵa 368,7 mlrd teńge jumsaǵan. Bes jyldaǵy jalpy soma 1 trillion teńgeden asty.
