فوتو: اشىق دەرەككٶز
ەلٸمٸزدە ٶزٸن قۇمار ويىنداردان شەكتەگەن ادامدار سانى 150 مىڭنان اسقان, دەپ حابارلايدى "ۇلت اقپارات" تۋريزم جەنە سپورت مينيسترلٸگٸنە سٸلتەمە جاساپ.
سونىڭ ٸشٸندە 149 973 ادام ونلاين (eGov mobile) ٶتٸنٸش بەرسە, 3 213 ادام جازباشا ٶتٸنٸش قالدىرعان.
18 ناۋرىزدان باستاپ ازاماتتارعا قۇمار ويىندارعا قاتىسۋىن 6 ايدان 1 جىلعا دەيٸن ٶز بەتٸنشە شەكتەۋگە مٷمكٸندٸك بەرەتٸن ونلاين سەرۆيس جۇمىس ٸستەيدٸ. وسى ۋاقىت ٸشٸندە ٶزٸنە تىيىم سالعىسى كەلەتٸندەر سانى ايتارلىقتاي ٶستٸ. ٶزٸن-ٶزٸ شەكتەۋ تەك زاڭدى, ليتسەنزيياسى بار ويىن كومپانييالارىنا قاتىستى.
Ranking.kz ساراپشىلارىنىڭ باعالاۋى بويىنشا قازاقستاندىقتار ٶتكەن جىلى قۇمار ويىندارعا 368,7 ملرد تەڭگە جۇمساعان. بەس جىلداعى جالپى سوما 1 تريلليون تەڭگەدەن استى.
