Búgin Úkimet otyrysynda QR Energetika ministri Nurlan Noǵaev jańartylatyn energiia qýatyn arttyrýǵa belsendi qatysyp jatqan el óńirlerin atady, dep habarlaidy QazAqparat.
Qazirgi ýaqytta respýblikada belgilengen qýaty 1685 MVt bolatyn 116 jańartylatyn energetika nysany jumys isteidi. Sonyń ishinde: - 29 jel elektr stantsiiasy, qýaty – 486 MVt;
- 44 kún elektr stantsiiasy, qýaty - 962 MVt;
– 38 gidro elektr stantsiiasy, qýaty - 230 MVt;
- 5 bio elektr stantsiiasy, qýaty - 8 MVt.
«2020 jyldyń qorytyndysy boiynsha óndirilgen jasyl energiia kólemi 3,24 mlrd kVtsaǵ qurady. Óńirlerde jańartylatyn energiia kózderi nysandaryn ornalastyrý resýrstyq áleýetti, elektr energiiasyna degen qajettilikti, Birtutas elektr energetikalyq júiesiniń aimaqtary boiynsha barynsha jol beriletin qýattardy jáne infraqurylymnyń ázirligin eskere otyryp júrgiziledi. Bul Qazaqstannyń birtutas elektr energetikalyq júiesiniń senimdi jumysy úshin jańartylatyn energiia qýatynyń limitterin saqtaýǵa múmkindik beredi. Osyǵan orai, eń kóp joba Almaty oblysynda (32 nysan – 332 MVt), Jambyl oblysynda (15 nysan - 318 MVt) jáne Qaraǵandy oblysynda (9 nysan - 233 MVt) júzege asyp jatyr», - dedi ministr.
Onyń aitýnysha, óńirlerde Aqtóbe, Aqmola jáne Túrkistan oblystarynyń ákimdikteri investorlarǵa úlken qoldaý kórsetip keledi.
Budan buryn habarlanǵandai, Úkimet otyrysynda Úkimet basshysy Asqar Mamin JEK-tiń óńirlik aimaqtaryn qurý máselesin pysyqtaý tapsyrdy.
