بٷگٸن ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ جاڭارتىلاتىن ەنەرگييا قۋاتىن ارتتىرۋعا بەلسەندٸ قاتىسىپ جاتقان ەل ٶڭٸرلەرٸن اتادى, دەپ حابارلايدى قازاقپارات.
قازٸرگٸ ۋاقىتتا رەسپۋبليكادا بەلگٸلەنگەن قۋاتى 1685 مۆت بولاتىن 116 جاڭارتىلاتىن ەنەرگەتيكا نىسانى جۇمىس ٸستەيدٸ. سونىڭ ٸشٸندە: - 29 جەل ەلەكتر ستانتسيياسى, قۋاتى – 486 مۆت;
- 44 كٷن ەلەكتر ستانتسيياسى, قۋاتى - 962 مۆت;
– 38 گيدرو ەلەكتر ستانتسيياسى, قۋاتى - 230 مۆت;
- 5 بيو ەلەكتر ستانتسيياسى, قۋاتى - 8 مۆت.
«2020 جىلدىڭ قورىتىندىسى بويىنشا ٶندٸرٸلگەن جاسىل ەنەرگييا كٶلەمٸ 3,24 ملرد كۆتساع قۇرادى. ٶڭٸرلەردە جاڭارتىلاتىن ەنەرگييا كٶزدەرٸ نىساندارىن ورنالاستىرۋ رەسۋرستىق ەلەۋەتتٸ, ەلەكتر ەنەرگيياسىنا دەگەن قاجەتتٸلٸكتٸ, بٸرتۇتاس ەلەكتر ەنەرگەتيكالىق جٷيەسٸنٸڭ ايماقتارى بويىنشا بارىنشا جول بەرٸلەتٸن قۋاتتاردى جەنە ينفراقۇرىلىمنىڭ ەزٸرلٸگٸن ەسكەرە وتىرىپ جٷرگٸزٸلەدٸ. بۇل قازاقستاننىڭ بٸرتۇتاس ەلەكتر ەنەرگەتيكالىق جٷيەسٸنٸڭ سەنٸمدٸ جۇمىسى ٷشٸن جاڭارتىلاتىن ەنەرگييا قۋاتىنىڭ ليميتتەرٸن ساقتاۋعا مٷمكٸندٸك بەرەدٸ. وسىعان وراي, ەڭ كٶپ جوبا الماتى وبلىسىندا (32 نىسان – 332 مۆت), جامبىل وبلىسىندا (15 نىسان - 318 مۆت) جەنە قاراعاندى وبلىسىندا (9 نىسان - 233 مۆت) جٷزەگە اسىپ جاتىر», - دەدٸ مينيستر.
ونىڭ ايتۋنىشا, ٶڭٸرلەردە اقتٶبە, اقمولا جەنە تٷركٸستان وبلىستارىنىڭ ەكٸمدٸكتەرٸ ينۆەستورلارعا ٷلكەن قولداۋ كٶرسەتٸپ كەلەدٸ.
بۇدان بۇرىن حابارلانعانداي, ٷكٸمەت وتىرىسىندا ٷكٸمەت باسشىسى اسقار مامين جەك-تٸڭ ٶڭٸرلٸك ايماقتارىن قۇرۋ مەسەلەسٸن پىسىقتاۋ تاپسىردى.
