Qazaqstanda 1 shildeden bastap el aýmaǵyna elektrondy avtoqujat engiziledi, dep habarlaidy Qazaqstan avtobiznes assotsiatsiiasy. Bul týraly Qazaqstandaǵy AvtoBiznes assotsiatsiiasynyń (QABA) Facebook jelisindegi paraqshasynda aitylady.
"Elektrondy avtoqujatqa avtomobil «ómiriniń» barlyq tarihy engiziledi. Onyń ishine tehnikalyq sapasynan bastap, jol-kólik oqiǵalaryna qatysty jaǵdaiy, tehnikalyq qyzmetten ótýi basqa da shekteýlerge qatysy bar ekeni jazylady", – dep jazdy QABA.
Elektrondy pasportqa kóliktiń nemese mototsikldiń óndirilip, EAEO-ǵa kirgen ýaqytynan bergi tarihy jazylady. Bul qujattardy qoldan jasaý múmkindigin joiady dep kútiledi. Bolashaqta minilgen kólikti satyp alǵysy kelgen adam onyń tarihymen arnaiy portaldan tanysa alady.
«2018 jyldyń 1 shildesinen bastap kólik quraldarynyń avtoqujatqa ótýi Eýraziialyq ekonomikalyq odaqtyń ishindegi qujattardy jedeldetip, biznestegi operatsiialyq jumystardy jeńildetedi. Elektrondyq pasportqa birte-birte ótemiz. Pasport EAEO elderine birdei bolady", – delingen habarlamada.
