قازاقستاندا 1 شٸلدەدەن باستاپ ەل اۋماعىنا ەلەكتروندى اۆتوقۇجات ەنگٸزٸلەدٸ, دەپ حابارلايدى قازاقستان اۆتوبيزنەس اسسوتسياتسيياسى. بۇل تۋرالى قازاقستانداعى اۆتوبيزنەس اسسوتسياتسيياسىنىڭ (قابا) Facebook جەلٸسٸندەگٸ پاراقشاسىندا ايتىلادى.
"ەلەكتروندى اۆتوقۇجاتقا اۆتوموبيل «ٶمٸرٸنٸڭ» بارلىق تاريحى ەنگٸزٸلەدٸ. ونىڭ ٸشٸنە تەحنيكالىق ساپاسىنان باستاپ, جول-كٶلٸك وقيعالارىنا قاتىستى جاعدايى, تەحنيكالىق قىزمەتتەن ٶتۋٸ باسقا دا شەكتەۋلەرگە قاتىسى بار ەكەنٸ جازىلادى", – دەپ جازدى قابا.
ەلەكتروندى پاسپورتقا كٶلٸكتٸڭ نەمەسە موتوتسيكلدٸڭ ٶندٸرٸلٸپ, ەاەو-عا كٸرگەن ۋاقىتىنان بەرگٸ تاريحى جازىلادى. بۇل قۇجاتتاردى قولدان جاساۋ مٷمكٸندٸگٸن جويادى دەپ كٷتٸلەدٸ. بولاشاقتا مٸنٸلگەن كٶلٸكتٸ ساتىپ العىسى كەلگەن ادام ونىڭ تاريحىمەن ارنايى پورتالدان تانىسا الادى.
«2018 جىلدىڭ 1 شٸلدەسٸنەن باستاپ كٶلٸك قۇرالدارىنىڭ اۆتوقۇجاتقا ٶتۋٸ ەۋرازييالىق ەكونوميكالىق وداقتىڭ ٸشٸندەگٸ قۇجاتتاردى جەدەلدەتٸپ, بيزنەستەگٸ وپەراتسييالىق جۇمىستاردى جەڭٸلدەتەدٸ. ەلەكتروندىق پاسپورتقا بٸرتە-بٸرتە ٶتەمٸز. پاسپورت ەاەو ەلدەرٸنە بٸردەي بولادى", – دەلٸنگەن حابارلامادا.
