Táýelsizdiktiń 30 jyldyǵyna orai Qazaqkontsert el mádenietiniń órkendeýine zor úles qosqan óner tulǵalaryna arnalǵan «Elim dep soqqan júrekter» atty úlken merekelik kontsert usynady, dep habarlaidy "Ult aqparat".
Kontsert 7 jeltoqsan kúni saǵat 19:30-da «Qazaqstan» ortalyq kontsert zalynda ótedi.
Kóptegen kompozitorlar men aqyndar, teatr, kino jáne televiziia juldyzdary otandyq mádeniet tarihynda ózderiniń jarqyn izderin qaldyryp, ónerin týǵan eline arnady. Olardyń qaldyrǵan mol murasy arqyly Qazaqstan mádenieti kórkem týyndylarmen tolyǵa tústi.
Kompozitorlar – Shámshi Qaldaiaqov, Eskendir Hasanǵaliev, Keńes Dúisekeev, Seidolla Baiterekov, Áset Beiseýov, Nurǵisa Tilendiev, Talǵat Sarybaev; aqyndar – Tumanbai Moldaǵaliev, Shómishbai Sariev, Abdrahman Asylbek, Ibragim Isaev; mýzykanttar men ánshiler – Iakov Han, Nurlan Baikozov, Batyrhan Shúkenov, Bolat Syzdyqov; ataqty «Aziia daýysy» jáne «Jas qanat» jobalarynyń negizin qalaýshylar Murat Irgaliev pen Aleksandr Ponomarev. Olardyń óneri men ýaqyt synynan ótken úzdik ánderi - árdaiym halyq jadynda.
Bul merekelik keshte Roza Rymbaeva, Aijan Nurmaǵambetova, Medeý Arynbaev, Jeńis Ysqaqova, Qurmash Mahan, Erlan Rysqali, Rústem Nurjigit, Azamat Jyltyrkózov, Azat Malik, Ámire, Rýhiia Baidúkenova jáne ózge belgili ártister, sondai-aq «Astana» estradalyq-simfoniialyq orkestri, «Astana sazy» folklorlyq ansambli, «Saz&Soul» toby, «Astana miýzikl» teatry óner kórsetedi.
