Qazaqstanǵa ýaqytsha ákelingen avtokólikterdiń ieleri olardy 30 qyrkúiekke deiin shyǵarýy kerek, dep habarlaidy "Ult aqparat" Memlekettik kirister komitetine silteme jasap.
Vedomstvonyń málimdeýinshe, bul merzim Eýraziialyq ekonomikalyq odaqtyń kedendik aýmaǵyna shetel iaǵni úshinshi memleketterden jeke tulǵalar óz qajettiligi úshin ýaqytsha ákelgen avtomobilder men basqa da kólik quraldaryna qatysty.
«Atalǵan merzim Eýraziialyq ekonomikalyq komissiia Keńesiniń 2021 jylǵy 5 sáýirdegi № 25 sheshimimde kórsetilgen. Bul sheshim odaqtyń keden aýmaǵynda bolý ýaqytynyń pandemiiaǵa bailanysty 18 aiǵa uzartylǵan merzimin toqtatty. Osyǵan deiin odaqqa turaqty turý úshin kóship kelgen shet el azamattarynyń, bosqyndardyń, májbúrli túrde kóship kelýshilerdiń odaqtyń keden aýmaǵyna baj alymynsyz jeke múliginin alyp kelýge qatysty jeńildik bolǵan», delingen habarlamada.
Komitettiń túsindirýinshe, kólik 30 qyrkúiekke deiin áketilmegen jaǵdaida keden tólemderi men salyq tolyq kólemde tólenýi tiis.
