قازاقستانعا ۋاقىتشا ەكەلٸنگەن اۆتوكٶلٸكتەردٸڭ يەلەرٸ ولاردى 30 قىركٷيەككە دەيٸن شىعارۋى كەرەك, دەپ حابارلايدى "ۇلت اقپارات" مەملەكەتتٸك كٸرٸستەر كوميتەتٸنە سٸلتەمە جاساپ.
ۆەدومستۆونىڭ مەلٸمدەۋٸنشە, بۇل مەرزٸم ەۋرازييالىق ەكونوميكالىق وداقتىڭ كەدەندٸك اۋماعىنا شەتەل ياعني ٷشٸنشٸ مەملەكەتتەردەن جەكە تۇلعالار ٶز قاجەتتٸلٸگٸ ٷشٸن ۋاقىتشا ەكەلگەن اۆتوموبيلدەر مەن باسقا دا كٶلٸك قۇرالدارىنا قاتىستى.
«اتالعان مەرزٸم ەۋرازييالىق ەكونوميكالىق كوميسسييا كەڭەسٸنٸڭ 2021 جىلعى 5 سەۋٸردەگٸ № 25 شەشٸمٸمدە كٶرسەتٸلگەن. بۇل شەشٸم وداقتىڭ كەدەن اۋماعىندا بولۋ ۋاقىتىنىڭ پاندەميياعا بايلانىستى 18 ايعا ۇزارتىلعان مەرزٸمٸن توقتاتتى. وسىعان دەيٸن وداققا تۇراقتى تۇرۋ ٷشٸن كٶشٸپ كەلگەن شەت ەل ازاماتتارىنىڭ, بوسقىنداردىڭ, مەجبٷرلٸ تٷردە كٶشٸپ كەلۋشٸلەردٸڭ وداقتىڭ كەدەن اۋماعىنا باج الىمىنسىز جەكە مٷلٸگٸنٸن الىپ كەلۋگە قاتىستى جەڭٸلدٸك بولعان», دەلٸنگەن حابارلامادا.
كوميتەتتٸڭ تٷسٸندٸرۋٸنشە, كٶلٸك 30 قىركٷيەككە دەيٸن ەكەتٸلمەگەن جاعدايدا كەدەن تٶلەمدەرٸ مەن سالىق تولىق كٶلەمدە تٶلەنۋٸ تيٸس.
