Jasulan Sadyquly - Ál-Farabi atyndaǵy Qazaq ulttyq ýniversiteti, JOO-ǵa deiingi bilim berý fakýlteti, JOO-ǵa deiingi daiyndyq kafedrasynda qazaq, aýǵan jastaryna matematikanyń qyr-syryn úiretip, qazirgi tańda seksenniń seńgirine kelgen ulaǵatty ustaz.
Jasulan Sadyquly 1937 jyly 7 qarashada Shyǵys Qazaqstan oblysynda shaǵyn otbasynda dúniege keledi.
Jastai eńbekke erte aralasyp ósken Jasulan Sadyquly 7 jyldyq synypty úzdik aiaqtap, 1954 jyly ózi qyzmet etken bilim ordasy - Ál-Farabi atyndaǵy QazUÝ (burynǵy ataýy Kirov) ýniversitetiniń fizika-matematika fakýltetine oqýǵa túsedi, oqýyn jaqsy aiaqtap osy oqý ornynda assistent qyzmetin atqarady.
1980 jyldary Sovet úkimetiniń «Aýǵanstan eline kómek» atty joldaýymen Aýǵanstan jastaryna matematika sabaǵyn úiretýge Mazari Sharip qalasyna joldama alady. Osy jyldary Aýǵanstanda 1978 jyldan bastaý alǵan tóńkeris bolyp, onyń arty aiaqtalmas soǵysqa ainalǵan kez edi. Osyndai maidan ortasynda júrip, Aýǵanstan jastaryna sabaq berdi.
Qarsha boraǵan oqtan aman qalyp, eki ret jaraqat alǵan ustaz: - Elge aman oralýym anamnyń batasy bolar - dep, tereń oiǵa shomyp anasyn eske aldy. Balasy Aýǵanstanǵa jumys saparymen ketkende anasy kúnde Jaratqanǵa balasynyń aman elge kelýin tileýmen bolǵan eken.
1982 jyly Jasulan Sadyquly elge aman oralyp, Aýǵanstannyń túpkir-túpkirinen kelip, elimizde bilim alap jatqan jastarǵa dáris berdi.
1984 jyly Jasulan Sadyquly «Keńes odaǵynyń joǵary bilimine sińirgen ereń eńbegi úshin» - degen keýde belgisimen marapattaldy, 1985 jyly Sheteldik jastardyń elimizde bilim alýyna arnalǵan daiyndyq fakýltetiniń ashylýyna muryndyq boldy.
Mine, osy jyldan beri jumys istep kele jatqan fakýltette kóptegen sheteldik azamat bilim alýda.
ál-Farabi atyndaǵy Qazaq ulttyq ýniversiteti
JOO-ǵa deiingi bilim berý fakýlteti
JOO-ǵa deiingi daiyndyq kafedrasynyń aǵa oqytýshysy
J.B.Satkenova
