جاسۇلان سادىقۇلى - ەل-فارابي اتىنداعى قازاق ۇلتتىق ۋنيۆەرسيتەتٸ, جوو-عا دەيٸنگٸ بٸلٸم بەرۋ فاكۋلتەتٸ, جوو-عا دەيٸنگٸ دايىندىق كافەدراسىندا قازاق, اۋعان جاستارىنا ماتەماتيكانىڭ قىر-سىرىن ٷيرەتٸپ, قازٸرگٸ تاڭدا سەكسەننٸڭ سەڭگٸرٸنە كەلگەن ۇلاعاتتى ۇستاز.
جاسۇلان سادىقۇلى 1937 جىلى 7 قاراشادا شىعىس قازاقستان وبلىسىندا شاعىن وتباسىندا دٷنيەگە كەلەدٸ.
جاستاي ەڭبەككە ەرتە ارالاسىپ ٶسكەن جاسۇلان سادىقۇلى 7 جىلدىق سىنىپتى ٷزدٸك اياقتاپ, 1954 جىلى ٶزٸ قىزمەت ەتكەن بٸلٸم ورداسى - ەل-فارابي اتىنداعى قازۇۋ (بۇرىنعى اتاۋى كيروۆ) ۋنيۆەرسيتەتٸنٸڭ فيزيكا-ماتەماتيكا فاكۋلتەتٸنە وقۋعا تٷسەدٸ, وقۋىن جاقسى اياقتاپ وسى وقۋ ورنىندا اسسيستەنت قىزمەتٸن اتقارادى.
1980 جىلدارى سوۆەت ٷكٸمەتٸنٸڭ «اۋعانستان ەلٸنە كٶمەك» اتتى جولداۋىمەن اۋعانستان جاستارىنا ماتەماتيكا ساباعىن ٷيرەتۋگە مازاري شاريپ قالاسىنا جولداما الادى. وسى جىلدارى اۋعانستاندا 1978 جىلدان باستاۋ العان تٶڭكەرٸس بولىپ, ونىڭ ارتى اياقتالماس سوعىسقا اينالعان كەز ەدٸ. وسىنداي مايدان ورتاسىندا جٷرٸپ, اۋعانستان جاستارىنا ساباق بەردٸ.
قارشا بوراعان وقتان امان قالىپ, ەكٸ رەت جاراقات العان ۇستاز: - ەلگە امان ورالۋىم انامنىڭ باتاسى بولار - دەپ, تەرەڭ ويعا شومىپ اناسىن ەسكە الدى. بالاسى اۋعانستانعا جۇمىس ساپارىمەن كەتكەندە اناسى كٷندە جاراتقانعا بالاسىنىڭ امان ەلگە كەلۋٸن تٸلەۋمەن بولعان ەكەن.
1982 جىلى جاسۇلان سادىقۇلى ەلگە امان ورالىپ, اۋعانستاننىڭ تٷپكٸر-تٷپكٸرٸنەن كەلٸپ, ەلٸمٸزدە بٸلٸم الاپ جاتقان جاستارعا دەرٸس بەردٸ.
1984 جىلى جاسۇلان سادىقۇلى «كەڭەس وداعىنىڭ جوعارى بٸلٸمٸنە سٸڭٸرگەن ەرەڭ ەڭبەگٸ ٷشٸن» - دەگەن كەۋدە بەلگٸسٸمەن ماراپاتتالدى, 1985 جىلى شەتەلدٸك جاستاردىڭ ەلٸمٸزدە بٸلٸم الۋىنا ارنالعان دايىندىق فاكۋلتەتٸنٸڭ اشىلۋىنا مۇرىندىق بولدى.
مٸنە, وسى جىلدان بەرٸ جۇمىس ٸستەپ كەلە جاتقان فاكۋلتەتتە كٶپتەگەن شەتەلدٸك ازامات بٸلٸم الۋدا.
ەل-فارابي اتىنداعى قازاق ۇلتتىق ۋنيۆەرسيتەتٸ
جوو-عا دەيٸنگٸ بٸلٸم بەرۋ فاكۋلتەتٸ
جوو-عا دەيٸنگٸ دايىندىق كافەدراسىنىڭ اعا وقىتۋشىسى
ج.ب.ساتكەنوۆا
