Tennisten AQSh-ta ótip jatqan US Open «Úlken Dýlyǵa» týrniriniń finaldyq kezdesýinde qazaqstandyq oiynshy Elena Rybakina eki jyl qatarynan osy jarystyń chempiony atanǵan Arina Sobolenkony 6:4, 5:7, 6:2 esebimen jeńip, týrnir jeńimpazy atandy, dep habarlaidy ult.kz.
Aita keteiik, 1887 jyldan beri ótkizilip kele jatqan US Open týrnirindegi Elena Rybakinanyń jeńisi Qazaqstanǵa bul básekede chempion atanǵan 19-shy el mártebesin ákeldi.
Osylaisha, 27 jastaǵy Elena Rybakina óz mansabynda úshinshi márte eń iri týrnir sanalatyn «Úlken Dýlyǵa» jarysynyń jeńimpazy atandy. Sportshymyz buǵan deiin 2022 jyly «Wimbledon» jáne 2026 jyly «Australian Open» básekesin jeńip alǵan edi.
US Open týrnirin jeńgeniniń arqasynda Elena Rybakina 5,5 mln AQSh dollary syiaqysyn ielenip, álemdik reitingte jeke-dara kósh bastady. Sondai-aq ol jyldyń qorytyndy týrnirine de joldama aldy.
