Qazaqstannyń birinshi, álemniń 19-raketkasy Elena Rybakina Melbýrndaǵy tolyq oqshaýlanýǵa bailanysty óz pikirin bildirdi, dep habarlaidy "Ult aqparat".
Qazaqstan tennis federatsiiasynan alynǵan málimetke qaraǵanda, Rybakina – qazirgi kezde karantinde jatqan oiynshylardyń biri.
«Árine, bulai bolǵany óte ókinishti. Qonaqúi bólmesinde jalǵyzbyn, tereze ashylmaidy. Birneshe trenajer jetkizip berdi. Kún saiyn jaǵdaidy jaqsartý týraly uiymdastyrýshylarmen kelissóz júrgizilýde, biraq bári qatań. Araǵa bir kún salyp, test alady, ázirge bári qalypty, synama koronavirýs joqtyǵyn kórsetýde. Alǵash oqshaýlanǵan kezde aýyr tidi, qazir úirenip kelemiz. El turǵyndarynyń qaýipsizdigi birinshi orynda ekendigin túsinemiz. Osynyń bárinen ótip, karantinnen keiin erkin júrip-turamyz dep úmittenemiz», - dedi Elena Rybakina.
Eske sala keteiik, budan buryn Aýstraliia ashyq chempionatyna kelgen 47 tennisshiniń karantinde jatqanyn jazǵan bolatynbyz.
Olardyń ishinde taǵy bir qazaqstandyq Iýliia Pýtintseva da bar.
Aýstraliia ashyq chempionaty 8 aqpanda bastalady. «Úlken dýlyǵa» týrnirine Qazaqstannan E.Rybakina men Iu.Pýtintsevadan basqa Zarina Diias pen Iaroslava Shvedova, erlerden Aleksandr Býblik pen Mihail Kýkýshkin qatysady. Oǵan qosa A.Býblik Andrei Golýbevpen birge juptyq synda da óner kórsetedi.
