17 mamyr «Tsifrlandyrý» kúnine orai «Astana Hub» ortalyǵynda Eńbek jáne halyqty áleýmettik qorǵaý ministrliginiń sandyq transformatsiiasy talqylandy.
Is-sharaǵa QR Eńbek jáne halyqty áleýmettik qorǵaý ministri Berdibek Saparbaev, QR Tsifrlyq damý, qorǵanys jáne aeroǵarysh ónerkásibi ministri Asqar Jumaǵaliev, Eńbek jáne halyqty áleýmettik qorǵaý vitse-ministri Nariman Muqyshev jáne QR Densaýlyq saqtaý vitse-ministri Oljas Ábishev, QR Qarjy vitse-ministri Rýslan Eńsebaev, sondai-aq biznes ókilderi qatysty.
2018 jyldyń 1 qańtarynan bastap respýblikadaǵy alǵashqy sandyq platforma jáne eń iri bos jumys oryndary men respýblika boiynsha reziýmeler – elektrondy eńbek birjasy jumys isteidi. Bastama qolǵa alynǵan kúnnen bastap birjada 985 myń bos jumys orny jáne 732 myń reziýme ornalastyrylǵan. Sondai-aq, eńbek birjasynyń kómegimen 2019 jyldyń basynan beri 135 myńnan astam azamat jumysqa ornalasty. Biylǵy jyly osy júieniń odan ári damýy úshin qurylǵan jumys oryndarynyń kartasyn engizý, onlain oqytý, virtýaldy konsýltantty engizý jáne taǵy basqa jumystar josparlanyp otyr.
Is-sharany ashqan B.Saparbaev tsifrlandyrý áleýmettik-eńbek salasyn jańǵyrtýdyń basty faktorlarynyń biri ekendigin atap ótti.
«Sandyq tehnologiialar áleýmettik kómek kórsetýdiń mańyzdy quraly. Árbir taǵaiyndalǵan járdemaqynyń, jumysqa ornalasýshynyń jáne memlekettik qyzmettiń artynda ministrliktiń aqparattyq júiesiniń úlken jumysy tur. Tsifrlandyrýdyń negizgi maqsaty – ákimshilik rásimderdi jeńildetý, azamattardy memlekettik qyzmetterdiń barynsha ashyqtyǵymen jáne qoljetimdiligimen qamtamasyz etý», - dedi QR Eńbek jáne halyqty áleýmettik qorǵaý ministri.
Elektrondy jáne belsendi memlekettik qyzmetterdiń nátijesinde 2018 jyly shamamen 939 mln. teńge ekonomikalyq turǵyda tiimdi bolǵan. Sondai-aq, qyzmet kórsetýshiler men azamattar shamamen 340 myń kún ýaqytty únemdegen. Jiyn barysynda qatysýshylar, iskerlik orta ókilderi jáne shendi tulǵalar arasynda qyzý pikir almasý boldy.
