Elektr qýatynyń baǵasy 2021 jylǵy deńgeide saqtalady. Bul týraly Energetika ministri Bolat Aqsholaqov ortalyq kommýnikatsiialar qyzmetinde ótken brifingide málim etti, dep habarlaidy QazAqparat.
Ministr BAQ ókiliniń suraǵyna jaýap bere kelip, baǵany retteitin naqty tetikterdi qoldanysqa engizý úshin Prezident sheshimimen 180 kún belgilengenin eske saldy.
«Jospar boiynsha, jetken sheshimimiz boiynsha 2022 jyly elektr qýatynyń baǵasy 2021 jylǵy deńgeide saqtalady. Oǵan qosymsha jańa tártip pen ádister ázirlenip jatyr. Bul – elektr qýatymen tolyqtai jabydqtaý jáne ulttyq elektr júiesiniń turaqtylyǵyn saqtaý. Bul ekeýi – eń mańyzdy másele», - dedi Bolat Aqsholaqov.
Onyń sózine qaraǵanda, maining fermalar tsifrlyq óndirisi de salada tapshylyq týǵyzyp otyr.
Olarmen kúres eldegi elektr qýatyn akkýmýliatsiialanatyn generatsiianyń kólemin ulǵaitý sharalarymen qatarý júrýi kerek.
«Árine, mainerler, basqa da zańsyz qosylýshylar salaǵa áser etip, tapshylyq týǵyzyp jatyr. Olardyń jolyn kesý úshin qosymsha jumys júrgizemiz. Biraq defitsit bolmas úshin eń birinshi generatsiiany kóbeitýimiz kerek. Ekinshiden, elektr júieleriniń sapasyn kóterýimiz kerek. Sol jumystyń bárin biz berilgen 180 kúnniń ishinde ázirlep, iske qosamyz. Baǵa jaǵynan aitsaq, biyl elektr qýatynyń aqysyn 2021 jyldyń deńgeiinde saqtaýǵa tyrysamyz», - dedi ministr.
