Elektr energiiasy úshin 1 teńge qaryzy bar qazaqstandyqtar jaryqtan ajyratylady, dep habarlaidy "Ult aqparat".
«Qazaqstan tutynýshylar ligasy» qaýymdastyqtyń túsindirýinshe, 2020 jylǵy 24 aqpanda QR Energetika ministriniń keibir buiryqtaryna ózgerister men tolyqtyrýlar engizý týraly» Qazaqstan Respýblikasy Energetika ministriniń №43 buiryǵy kúshine endi, ol elektr energiiasyn paidalaný erejelerine qatysty túzetýlerdi bekitken.
Jańa talaptarǵa sáikes, tutynýshy elektr qýaty úshin aqyny ýaqytynda ne tolyq tólemese, elektr tutyný rejimin buzsa jáne ony joiý týraly talaptardy belgilengen merzimde oryndamasa, energiia berýshi (energiia óndirýshi) uiym elektr qýatyn berýdi tolyq nemese ishinara toqtatýǵa quqyly.
«Bul rette energiiamen jabdyqtaýshy uiym tutynýshyǵa elektr energiiasyn óshirý úshin keminde 5 jumys kúni buryn elektrondyq poshtamen, faks arqyly, poshtamen, mýltimedialyq habarlamamen ne qoldanystaǵy messendjerler arqyly eskertý habarlamasyn jiberedi», - delingen habarlamada.
Buryn osy erejelerge sáikes energiiamen jabdyqtaýshy uiym tutynýshyny óshirý týraly habarlamamen tanysqany týraly jazbasha rastaýdy alýy tiis bolatyn, endi joǵaryda kórsetilgen tásildermen habarlamany jiberýdi tirkeý ǵana qajet.
Sondai-aq, sóndirilgen jaǵdaida qaita qosylý quny páterde turatyn jeke tulǵalar úshin - 6 730 teńge, jeke úide turatyn jeke tulǵalarǵa 10 115 teńge, zańdy tulǵalarǵa – 11 606 teńge.
Qazaqstan Respýblikasynyń Azamattyq is júrgizý kodeksine sáikes tutynylǵan elektr qýaty úshin debitorlyq bereshekti óndirip alý notariýstardyń qaramaǵyna berildi. Atqarý jazbasyn jasaǵany úshin shyǵystar 1,5 AEK (3 977 teńge), 200 myń teńgeden astam bereshek bolǵan jaǵdaida – bereshek somasynyń 3%- yn quraidy. Sotqa talap aryz bergen jaǵdaida bereshek somasynyń 3% mólsherinde sot shyǵyndaryn tóleidi.
Sonymen qatar, elektr energiiasyn qaita qosý 2 jumys kúni ishinde júrgiziledi.
