Qazaqstan quramasy 5-7 sáýir kúnderi Túrkiianyń Antaliia qalasynda ótetin Gran-pri týrnirine qatysady, dep habarlaidy "Ult aqparat".
Qazaqstan dziýdo federatsiiasy habarlaǵanyndai, aitýly dodada álemniń 78 elinen 533 dziýdoshy baq synamaqshy.
Qazaqstan namysyn 13 dziýdoshy qorǵaidy.
Atap aitqanda, erler:
Eldos Smetov (-60 kg),
Dáýren Súieýkenov (-60 kg),
Ábilhaiyr Máýlenin (-66 kg),
Suńǵat Jubatqan (-66 kg),
Ańsarbek Ǵainýllin (-73 kg),
Janbolat Baǵytbergenov (-73 kg),
Rýslan Musaev (-81 kg),
Didar Hamza (-81 kg),
Ersultan Muzapparov (-90 kg),
Rega Palkin (-90 kg),
Ádilhan Qozybaev (-100 kg),
Jambyl Turǵynaliev (+100 kg).
Áielder:
Otgontsetseg Galbadrah (-48 kg).
Qazaqstan quramasy osynyń aldynda Tbiliside ótken Gran-pri týrnirine qatysyp, qorjyndary bos qaitqan bolatyn.
Bul joly Olimpiada júldegerleri Eldos Smetov pen Otgontsetseg Galbadrah syndy beldi palýandar tatamige shyqqaly otyr.
BQO dene shynyqtyrý jáne sport basqarmasynan túsken málimetke qaraǵanda, batysqazaqstandyq Ańsarbek Ǵainýllin (bapkeri Talǵat Balmaǵambetov) alǵash ret eresekter arasyndaǵy Gran-pri jarysyna qatyspaqshy. 2018 jyly A.Ǵainýllin jastar arasynda Aziia chempiony atanǵan bolatyn.
