Eldi mekenderdi gazdandyrýdy belsendi túrde jalǵastyrý kerek. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Álemdik energetika naryǵyn taldaý gaz ónerkásibi energiia tasymaldaýshylardyń ózge túrin óndirý men tutynýǵa qaraǵanda qarqyndy damyp kele jatqanyn kórsetip otyr.
Qazaqstanda da osyndai jaǵdai baiqalady. Biyl tutyný 16,5 mlrd tekshe metrge deiin ósedi dep kútilýde. Eń aldymen bul tutynýshylar sanynyń ósýimen bailanysty. Osy oraida elektr energiiasyn óndirý úshin gaz – 50 paiyz, kommýnaldyq-turmystyq sektor – 36, ónerkásip 14 paiyz paidalanatyn bolady. Biylǵy jyldyń qorytyndysy boiynsha el turǵyndaryn gazdandyrý kórsetkishi 53 paiyz deńgeiinde josparlanǵan, 9,8 mln adam tabiǵi gazǵa qoljetimdilikke ie bolady», - dedi Úkimet basshysy.
Onyń aitýynsha, 2025 jyly gazdandyrý deńgeii 60 paiyzǵa jetip, 2120 eldi meken nemese 11,7 mln turǵyn qosylady.
Buǵan «Saryarqa» jobasynyń 2 jáne 3 kezeńderiniń iske asyrylýy, Shyǵys Qazaqstandy gazdandyrý jáne de óńirlik jelilerdi keńeitý men rekonstrýktsiialaý yqpalyn tigizedi.
«Sondyqtan Nurlan Asqaruly, eldi mekenderdi gazdandyrýdy belsendi túrde jalǵastyrý kerek. Bul – Úkimettiń basym mindetteriniń biri», - dedi Asqar Mamin Energetika ministri Noǵaevqa qarata.
