Álem elderiniń áskeri qýattylyq boiynsha reitinginde Qazaqstan 140 eldiń ishinde 62-oryndy ielendi, dep habarlaidy finprom.kz.
El indeksi – 1,0286. Reitinginiń minsiz baǵasy – 0,0000. Indeks máni neǵurlym az bolsa, eldiń jaýyngerlik áleýeti soǵurlym myqty dep sanalady. Tizimde AQSh, Resei, Qytai, Úndistan jáne Japoniia kósh bastap tur. Kórshileriniń arasynda Resei men Qytaidan basqa, QR-ǵa qaraǵanda Ózbekstannyń áleýeti joǵary.
Sonymen qatar Túrkimenstan, Qyrǵyzstan siiaqty elder Qazaqstannan artta qalǵan. Býtan, Kosovo jáne Liberiia reiting sońynda tur. Aita ketý kerek, reitingide elderdiń iadrolyq áleýeti baǵalanbady.
Reiting indeksti anyqtaý úshin áskeri qýattylyq pen qarjydan bastap materialdyq-tehnikalyq múmkindikter men geografiiaǵa deiingi 50-den astam jeke faktorlardy esepke alǵan.
Materialdyq-tehnikalyq múmkindikter jaǵynan alǵanda, Qazaqstanda 238 ushaq, 300 tank, 1200 bronetehnika, 124 saýda floty, 5 port jáne saýda terminaly, 96 áýejai bar. Eldegi ushaqtardyń ishinde 80 joiǵysh, 75 tikushaq bar (olardyń 22-si — jaýyngerlik tikushaqtar).
Reiting derekteri boiynsha, elde 167 myń áskeri qyzmetshi bar, bul eldegi jalpy halyqtyń 0,9%-yn quraidy. Elimizdiń syrtqy qaryzy 2021 jyly 167,5 milliard AQSh dollaryn qurady (140-tyń ishinde 38-oryn).
Biylǵy jyldyń qańtar-aqpan ailarynda memlekettik basqarý, qorǵanys jáne mindetti áleýmettik qamtamasyz etý salasyndaǵy negizgi kapitalǵa 1,8 mlrd teńge salyndy. Bul bir jyl burynǵyǵa qaraǵanda birden 66,7%-ǵa azaiǵan.
