ەلەم ەلدەرٸنٸڭ ەسكەري قۋاتتىلىق بويىنشا رەيتينگٸندە قازاقستان 140 ەلدٸڭ ٸشٸندە 62-ورىندى يەلەندٸ, دەپ حابارلايدى finprom.kz.
ەل يندەكسٸ – 1,0286. رەيتينگٸنٸڭ مٸنسٸز باعاسى – 0,0000. يندەكس مەنٸ نەعۇرلىم از بولسا, ەلدٸڭ جاۋىنگەرلٸك ەلەۋەتٸ سوعۇرلىم مىقتى دەپ سانالادى. تٸزٸمدە اقش, رەسەي, قىتاي, ٷندٸستان جەنە جاپونييا كٶش باستاپ تۇر. كٶرشٸلەرٸنٸڭ اراسىندا رەسەي مەن قىتايدان باسقا, قر-عا قاراعاندا ٶزبەكستاننىڭ ەلەۋەتٸ جوعارى.
سونىمەن قاتار تٷركٸمەنستان, قىرعىزستان سيياقتى ەلدەر قازاقستاننان ارتتا قالعان. بۋتان, كوسوۆو جەنە ليبەرييا رەيتينگ سوڭىندا تۇر. ايتا كەتۋ كەرەك, رەيتينگٸدە ەلدەردٸڭ يادرولىق ەلەۋەتٸ باعالانبادى.
رەيتينگ يندەكستٸ انىقتاۋ ٷشٸن ەسكەري قۋاتتىلىق پەن قارجىدان باستاپ ماتەريالدىق-تەحنيكالىق مٷمكٸندٸكتەر مەن گەوگرافيياعا دەيٸنگٸ 50-دەن استام جەكە فاكتورلاردى ەسەپكە العان.
ماتەريالدىق-تەحنيكالىق مٷمكٸندٸكتەر جاعىنان العاندا, قازاقستاندا 238 ۇشاق, 300 تانك, 1200 برونەتەحنيكا, 124 ساۋدا فلوتى, 5 پورت جەنە ساۋدا تەرمينالى, 96 ەۋەجاي بار. ەلدەگٸ ۇشاقتاردىڭ ٸشٸندە 80 جويعىش, 75 تٸكۇشاق بار (ولاردىڭ 22-سٸ — جاۋىنگەرلٸك تٸكۇشاقتار).
رەيتينگ دەرەكتەرٸ بويىنشا, ەلدە 167 مىڭ ەسكەري قىزمەتشٸ بار, بۇل ەلدەگٸ جالپى حالىقتىڭ 0,9%-ىن قۇرايدى. ەلٸمٸزدٸڭ سىرتقى قارىزى 2021 جىلى 167,5 ميلليارد اقش دوللارىن قۇرادى (140-تىڭ ٸشٸندە 38-ورىن).
بيىلعى جىلدىڭ قاڭتار-اقپان ايلارىندا مەملەكەتتٸك باسقارۋ, قورعانىس جەنە مٸندەتتٸ ەلەۋمەتتٸك قامتاماسىز ەتۋ سالاسىنداعى نەگٸزگٸ كاپيتالعا 1,8 ملرد تەڭگە سالىندى. بۇل بٸر جىل بۇرىنعىعا قاراعاندا بٸردەن 66,7%-عا ازايعان.
