Qazaqstanda keibir jylý elektr ortalyqtarynyń tozý deńgeii 95%-ǵa jetken. Bul týraly Energetika ministrligi málimdedi, dep habarlaidy Ulysmedia.kz LS-ke silteme jasap.
Ministrliktiń málimetinshe, eldegi tozýdyń ortasha deńgeii shamamen 66%-ǵa jetken.
Máselen, Arqalyq jylý elektr ortalyǵynda bul kórsetkish 95,4%-dy, al "Jaiyqjylýenergo" kesheninde – 95,3%-dy quraidy. "TarazEnergoOrtalyqta " – 92%, "Kentaý serviste" – 88%-ǵa jetken.
Energetika ministrligindegilerdiń aitýynsha, jańǵyrtý aýqymyn anyqtaý úshin 2023 jylǵa deiin aiaqtalatyn energiia kózderine kameraldyq-tehnikalyq aýdit júrgizý qajet. Elektr stantsiialaryn tekserý 2023 jyldan 2024 jylǵa deiin josparlanyp otyr.
2023-2027 jyldar aralyǵynda iske qosyla otyryp, JEO-nyń negizgi jáne qosalqy jabdyqtaryn jańǵyrtý, keńeitý, rekonstrýktsiialaý jáne jańartý jónindegi jobalardy iske asyrýǵa investitsiialyq kelisimder jasaldy. Bul Atyraý, Ridder, Aqtóbe, Qyzylorda, Petropavl, Óskemen, Qaraǵandy jáne Stepnogorsk qalalaryna qatysty.
Onyń ishinde Petropavl 2-JEO jóndeý jumystary 17,5 mlrd teńgege baǵalanyp otyr. Kókshetaý JEO qurylysy úshin tender ótkizilýde. Qyzylorda JEO-da qýattylyǵy 240 MVt bolatyn jańa bý-gaz qondyrǵysyn salý josparlanýda. Kentaý JEO-5 jóndeýge (1952 jyldan bastap paidalanýda) qarjylandyrýdy ulǵaitý máselesi kóterildi. Atalǵan JEO jabdyqtarynyń tozýy 100%-ǵa jetti. Bul rette jóndeý jumystaryna qajet 3,2 mlrd teńgeden 757 mln teńge bólindi.
Esterińizge sala keteiik, 2022 jyly jylý energetikasyn damytýǵa shamamen 32 mlrd teńge jumsaý josparlanyp otyr.
