قازاقستاندا كەيبٸر جىلۋ ەلەكتر ورتالىقتارىنىڭ توزۋ دەڭگەيٸ 95%-عا جەتكەن. بۇل تۋرالى ەنەرگەتيكا مينيسترلٸگٸ مەلٸمدەدٸ, دەپ حابارلايدى Ulysmedia.kz LS-كە سٸلتەمە جاساپ.
مينيسترلiكتiڭ مەلٸمەتٸنشە, ەلدەگٸ توزۋدىڭ ورتاشا دەڭگەيٸ شامامەن 66%-عا جەتكەن.
مەسەلەن, ارقالىق جىلۋ ەلەكتر ورتالىعىندا بۇل كٶرسەتكٸش 95,4%-دى, ال "جايىقجىلۋەنەرگو" كەشەنٸندە – 95,3%-دى قۇرايدى. "تارازەنەرگوورتالىقتا " – 92%, "كەنتاۋ سەرۆيستە" – 88%-عا جەتكەن.
ەنەرگەتيكا مينيسترلٸگٸندەگٸلەردٸڭ ايتۋىنشا, جاڭعىرتۋ اۋقىمىن انىقتاۋ ٷشٸن 2023 جىلعا دەيٸن اياقتالاتىن ەنەرگييا كٶزدەرٸنە كامەرالدىق-تەحنيكالىق اۋديت جٷرگٸزۋ قاجەت. ەلەكتر ستانتسييالارىن تەكسەرۋ 2023 جىلدان 2024 جىلعا دەيٸن جوسپارلانىپ وتىر.
2023-2027 جىلدار ارالىعىندا ٸسكە قوسىلا وتىرىپ, جەو-نىڭ نەگٸزگٸ جەنە قوسالقى جابدىقتارىن جاڭعىرتۋ, كەڭەيتۋ, رەكونسترۋكتسييالاۋ جەنە جاڭارتۋ جٶنٸندەگٸ جوبالاردى ٸسكە اسىرۋعا ينۆەستيتسييالىق كەلٸسٸمدەر جاسالدى. بۇل اتىراۋ, ريددەر, اقتٶبە, قىزىلوردا, پەتروپاۆل, ٶسكەمەن, قاراعاندى جەنە ستەپنوگورسك قالالارىنا قاتىستى.
ونىڭ ٸشٸندە پەتروپاۆل 2-جەو جٶندەۋ جۇمىستارى 17,5 ملرد تەڭگەگە باعالانىپ وتىر. كٶكشەتاۋ جەو قۇرىلىسى ٷشٸن تەندەر ٶتكٸزٸلۋدە. قىزىلوردا جەو-دا قۋاتتىلىعى 240 مۆت بولاتىن جاڭا بۋ-گاز قوندىرعىسىن سالۋ جوسپارلانۋدا. كەنتاۋ جەو-5 جٶندەۋگە (1952 جىلدان باستاپ پايدالانۋدا) قارجىلاندىرۋدى ۇلعايتۋ مەسەلەسٸ كٶتەرٸلدٸ. اتالعان جەو جابدىقتارىنىڭ توزۋى 100%-عا جەتتٸ. بۇل رەتتە جٶندەۋ جۇمىستارىنا قاجەت 3,2 ملرد تەڭگەدەن 757 ملن تەڭگە بٶلٸندٸ.
ەستەرٸڭٸزگە سالا كەتەيٸك, 2022 جىلى جىلۋ ەنەرگەتيكاسىن دامىتۋعا شامامەن 32 ملرد تەڭگە جۇمساۋ جوسپارلانىپ وتىر.
