Onyń ishinde memlekettik organdardyń 45 ǵimaraty jáne 306 kommertsiialyq nysan bar.
Bul týraly Premer-Ministr Álihan Smaiylov ótkizgen selektorlyq jiynda Indýstriia jáne infraqurylymdyq damý ministri Qaiyrbek Óskenbaev málimdedi, dep habarlaidy "Ult aqparat".
Ministr ǵimarattar 8 óńirde: Almaty jáne Shymkent qalalarynda, Almaty, Jambyl, Qyzylorda, Atyraý, Aqtóbe jáne Shyǵys Qazaqstan oblystarynda zardap shekkenin atap kórsetti.
Ákimdikterdiń aldyn ala baǵalaýynsha, zardap shekken ǵimarattardy jóndeýge jáne qalpyna keltirýge jumsalatyn jalpy shyǵyn kólemi - 28,8 mlrd teńge.
Onyń ishinde QR Prezidentiniń Is Basqarmasy qalpyna keltiretin QR Prezidentiniń Almatydaǵy rezidentsiiasyn esepke almaǵanda, memlekettik organdardyń ǵimarattary boiynsha zalal somasy 28,7 mlrd teńgeni quraidy. Jalpy kelgen zalal kólemi áli de naqtylanýda. Ol Almaty qalasyndaǵy barlyq jyljymaityn múlik obektilerin tolyq zerttep, baǵalaǵannan keiin túpkilikti anyqtalady.
Ministr kommertsiialyq nysandarǵa qatysty jalpy somasy 109,2 mln teńge bolatyn jóndeý qajet ekenin aitty.
"Bul sanattaǵy zalal negizinen taýarlardyń búlinýi men joǵalýyna bailanysty", - dedi Qaiyrbek Óskenbaev.
Memleket basshysynyń tapsyrmasymen qurylǵan komissiianyń baǵalaýynsha, jalpy el boiynsha kelgen shyǵyn ǵimarattardy jóndeýge ketken shyǵynmen qosa múliktiń búlinýin de esepke alǵanda 136,8 mlrd teńgeni qurady.
