Eldegi saiasi jáne qoǵamdyq kúshter halyq birligin nyǵaitý jóninde memorandým qabyldaǵany durys. Bul týraly búgin Qazaqstan halqy Assambleiasy Keńesiniń otyrysynda QR Tuńǵysh Prezidenti - Elbasy, QHA Tóraǵasy Nursultan Nazarbaev aitty, dep habarlaidy "Ult aqparat".
«Eldegi saiasi jáne qoǵamdyq kúshter halyq birligin nyǵaitý jóninde memorandým qabyldaǵany durys. Ol memorandýmdy daiyndaýymyz kerek. Assambleia osy bastamany qolǵa alsa, durys bolar edi. Birlik, kelisim, teńdik - bizdiń negizgi printsipterimiz. Olardy qorǵaýǵa barlyǵymyz kúsh salýymyz kerek. Assambleiany jalpyazamattyq jáne jalpyulttyq institýt retinde damyta berýimiz kerek», - dedi QR Tuńǵysh Prezidenti
Sonymen birge, Nursultan Nazarbaev Assambleianyń ortalyq apparatynyń, óńirlik qurylymdardyń jáne etnomádeni birlestikterdiń tiimdiligin arttyrý qajet dep esepteitindigin basa aitty.
«Bul eń áýeli Assambleiaǵa «Qazaqstan-2050» strategiiasy alǵa qoiǵan aýqymdy mindetterdi, sonymen qatar, 30 ósip-órkendegen eldiń qataryna qosylý maqsatyn júzege asyrýǵa múmkindik beredi. Bizdiń jumys isteitin baǵdarlamamyz bar. Qazir bárimiz qiyn jaǵdaida turmyz. Degenmen, myqty memleket qurdyq, aiaǵynan tik turǵyzdyq. Qazir kúshimiz de, qarajatymyz da bar. Bul toqyraýdan da shyǵamyz. Endi qazir ary qarai órleý, órkendeý máselesin alǵa qoiýymyz kerek», - dedi Elbasy.
