QR Ekologiia, geologiia jáne tabiǵi resýrstar vitse-ministri Serikqali Brekeshev igerilgen kenniń ornyn jańasymen tolyqtyrý problemasy týraly pikir bildirdi, dep habarlaidy "Ult aqparat".
«Qala quraýshy kásiporyndardy ken qorymen qamtamasyz etý problemasy qazir ózekti, birneshe ret talqyladyq ta. Basty problema paidaly qazbalar qorynyń baiaý tolyǵýynda. Geologtar arasynda jazylmaǵan ereje bar. 1 tonna óndirseń, ornyn eki tonna qormen toltyrý kerek. Búginde qatty paidaly qazbalardy óndirý kólemi men tolyǵýdyń arasyndaǵy ósý koeffitsienti ortasha eseppen 0,13, munai qorynyń tolyǵý koefitsenti – 1,5» - dedi Serikqali Brekeshev OKQ brifinginde.
Vedomstvo ókiliniń aitýynsha, eldegi ken qory ortaiyp bara jatqanyn Qashaǵandaǵy munaidyń qory bildirmei tur.
«Bir qaraǵanda ósim jaman emes siiaqty. Biraq buǵan negizinen Qashaǵan ken orny esebinen solai bolyp otyr. Qashaǵan bolmasa, ken qorynyń tolyǵý koeffitsienti 0,9 belgisinde bolar edi. Bul problemany sheshý úshin jańa perspektivaly ýchaskelerdi jedel anyqtap, eski ken oryndaryn jete barlaý qajet. Geologiialyq barlaýǵa jeke investorlardy tartý kerek. Óitkeni jańa ken ornyn ashqannan keiin ony iske qosý úshin keminde 10-15 jyl kerek», - dep qorytyndylady vitse-ministr.
