قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرٸكقالي برەكەشەۆ يگەرٸلگەن كەننٸڭ ورنىن جاڭاسىمەن تولىقتىرۋ پروبلەماسى تۋرالى پٸكٸر بٸلدٸردٸ, دەپ حابارلايدى "ۇلت اقپارات".
«قالا قۇراۋشى كەسٸپورىنداردى كەن قورىمەن قامتاماسىز ەتۋ پروبلەماسى قازٸر ٶزەكتٸ, بٸرنەشە رەت تالقىلادىق تا. باستى پروبلەما پايدالى قازبالار قورىنىڭ باياۋ تولىعۋىندا. گەولوگتار اراسىندا جازىلماعان ەرەجە بار. 1 توننا ٶندٸرسەڭ, ورنىن ەكٸ توننا قورمەن تولتىرۋ كەرەك. بٷگٸندە قاتتى پايدالى قازبالاردى ٶندٸرۋ كٶلەمٸ مەن تولىعۋدىڭ اراسىنداعى ٶسۋ كوەففيتسيەنتٸ ورتاشا ەسەپپەن 0,13, مۇناي قورىنىڭ تولىعۋ كوەفيتسەنتٸ – 1,5» - دەدٸ سەرٸكقالي برەكەشەۆ وكق بريفينگٸندە.
ۆەدومستۆو ٶكٸلٸنٸڭ ايتۋىنشا, ەلدەگٸ كەن قورى ورتايىپ بارا جاتقانىن قاشاعانداعى مۇنايدىڭ قورى بٸلدٸرمەي تۇر.
«بٸر قاراعاندا ٶسٸم جامان ەمەس سيياقتى. بٸراق بۇعان نەگٸزٸنەن قاشاعان كەن ورنى ەسەبٸنەن سولاي بولىپ وتىر. قاشاعان بولماسا, كەن قورىنىڭ تولىعۋ كوەففيتسيەنتٸ 0,9 بەلگٸسٸندە بولار ەدٸ. بۇل پروبلەمانى شەشۋ ٷشٸن جاڭا پەرسپەكتيۆالى ۋچاسكەلەردٸ جەدەل انىقتاپ, ەسكٸ كەن ورىندارىن جەتە بارلاۋ قاجەت. گەولوگييالىق بارلاۋعا جەكە ينۆەستورلاردى تارتۋ كەرەك. ٶيتكەنٸ جاڭا كەن ورنىن اشقاننان كەيٸن ونى ٸسكە قوسۋ ٷشٸن كەمٸندە 10-15 جىل كەرەك», - دەپ قورىتىندىلادى ۆيتسە-مينيستر.
