QR Densaýlyq saqtaý vitse-ministri – Bas memlekettik sanitar dáriger Erlan Qiiasov aldaǵy aidaǵy epidemiologiialyq jaǵdaiǵa boljamyn aitty, dep habarlaidy QazAqparat.
«Shyn máninde, qazir qańtardyń aiaǵy men aqpannyń basyndaǵy boljam týraly tsifrlyq ara qatynasta aitqanda, aimaqtarda infektsiianyń taralýy birkelki emestigin eskerý qajet. Qazirgi ýaqytta naýqastar az tirkelgen, salystyrmaly túrde «jasyl» aimaqta turǵan óńirler bar. Ózderińiz biletindei, biz tek oblystyq emes, aýdan ortalyqtarynyń epidjaǵdaiynyń matritsasyn ázirledik. Tipti keibir oblystarda kórsetkishter boiynsha aiyrmashylyq bar. Biz qazir osy baǵytta tirkeýdiń ósýi baiqalatyn óńirler men aýdandar boiynsha shekteý sharalaryn jergilikti, oshaqtyq túrde engizý úshin jumys istep jatyrmyz», - dedi Erlan Qiiasov OKQ-de ótken onlain brifingte tilshi suraǵyna bergen jaýabynda.
Bas sanitar eldegi epidemiologiialyq jaǵdai nasharlaýy múmkin be degen suraqqa jaýap berdi.
«Nasharlaýy múmkin dep aita almaimyn. Jekelegen óńirlerde ǵana jaǵdaidyń nasharlaýyn boljap otyrmyz», - deidi Erlan Qiiasov.
