Sońǵy 2 jylda eskirgen energiia kózderiniń 5 paiyzy ǵana jańartylǵan, dep habarlaidy QazAqparat.
Qazaqstanda elektr energiiasyn tutyný kólemimen birge eskirgen kózderdiń sany da artyp keledi.
Energetika vitse-ministri Qairat Rahimov salada osyndai problema bar ekenin eske saldy.
«Energiia kózderiniń basym bóligi ótken ǵasyrdyń 60-70-shi jyldary iske qosylǵan. Tiisinshe, generatsiia sektoryndaǵy negizgi shyǵyndar olardy jumys jaǵdaiynda ustaýǵa baǵyttalýda. Eger 2018 jyldyń qorytyndysy boiynsha óndirýshi qýattardyń tozý deńgeii orta eseppen 58%-dan assa, 2020 jyldyń qorytyndysy boiynsha bul kórsetkish 53%-dy qurady. Tutyný kóleminiń ósý serpinin eskere otyryp, Qazaqstannyń elektr energetikalyq salasynyń aldynda «paidalaný modelinen» «investitsiialyq modelge» aýysý máselesi tur» - dedi vitse-ministr ortalyq kommýnikatsiialar ortalyǵynda ótken brifingide.
Eske salsaq, atalmysh sharada salalyq kásipodaq basshysy bilikti kadrlardyń Reseige ketip jatqany jaily málimet aitqan bolatyn.
