سوڭعى 2 جىلدا ەسكٸرگەن ەنەرگييا كٶزدەرٸنٸڭ 5 پايىزى عانا جاڭارتىلعان, دەپ حابارلايدى قازاقپارات.
قازاقستاندا ەلەكتر ەنەرگيياسىن تۇتىنۋ كٶلەمٸمەن بٸرگە ەسكٸرگەن كٶزدەردٸڭ سانى دا ارتىپ كەلەدٸ.
ەنەرگەتيكا ۆيتسە-مينيسترٸ قايرات راحيموۆ سالادا وسىنداي پروبلەما بار ەكەنٸن ەسكە سالدى.
«ەنەرگييا كٶزدەرٸنٸڭ باسىم بٶلٸگٸ ٶتكەن عاسىردىڭ 60-70-شٸ جىلدارى ٸسكە قوسىلعان. تيٸسٸنشە, گەنەراتسييا سەكتورىنداعى نەگٸزگٸ شىعىندار ولاردى جۇمىس جاعدايىندا ۇستاۋعا باعىتتالۋدا. ەگەر 2018 جىلدىڭ قورىتىندىسى بويىنشا ٶندٸرۋشٸ قۋاتتاردىڭ توزۋ دەڭگەيٸ ورتا ەسەپپەن 58%-دان اسسا, 2020 جىلدىڭ قورىتىندىسى بويىنشا بۇل كٶرسەتكٸش 53%-دى قۇرادى. تۇتىنۋ كٶلەمٸنٸڭ ٶسۋ سەرپٸنٸن ەسكەرە وتىرىپ, قازاقستاننىڭ ەلەكتر ەنەرگەتيكالىق سالاسىنىڭ الدىندا «پايدالانۋ مودەلٸنەن» «ينۆەستيتسييالىق مودەلگە» اۋىسۋ مەسەلەسٸ تۇر» - دەدٸ ۆيتسە-مينيستر ورتالىق كوممۋنيكاتسييالار ورتالىعىندا ٶتكەن بريفينگٸدە.
ەسكە سالساق, اتالمىش شارادا سالالىق كەسٸپوداق باسشىسى بٸلٸكتٸ كادرلاردىڭ رەسەيگە كەتٸپ جاتقانى جايلى مەلٸمەت ايتقان بولاتىن.
