Úkimet otyrysynda QR Bilim jáne ǵylym ministri Ashat Aimaǵambetov ǵalymdardy qoldaý sharalaryna da toqtaldy, dep habarlaidy QazAqparat.
«Jas ǵalymdardyń zertteýlerine 1000 grant bólý, 500 ǵalymdy jetekshi sheteldik ǵylymi ortalyqtarda taǵylymdamaǵa jiberý uiymdastyrylady. Alǵash ret 2022 jyly joǵary oqý oryndary men ǵylymi zertteý institýttarynda postdoktorantýra engiziledi.
Eger buryn ǵalymdar jalaqyny tek konkýrstar arqyly ǵana alatyn bolsa, endi jetekshi ǵalymdar turaqty jalaqy alatyn bolady. Bul – 85 ǵylymi uiymnyń 1200-ge jýyq jetekshi ǵalymdarynyń jaǵdaiyn jaqsartady», - dedi Ashat Aimaǵambetov.
Bul jerde áńgime fýndamentaldy zertteýlermen ainalysatyn tarih jáne etnologiia institýty, til bilimi institýty, matematika institýty, iadrolyq fizika institýty, ádebiet jáne óner institýty, filosofiia institýty ǵalymdary týraly aitylyp otyr.
«Memlekettiń qoldaýynyń arqasynda ǵylymdy qarjylandyrý jyl saiyn artyp keledi. Ǵylymi jobalardy qarjylandyrýǵa arnalǵan konkýrstar 3 jylda bir ret emes, endi jyl saiyn ótkiziledi.
Ǵylymdy basqarýda memlekettik ǵylymi institýttardyń aýditi, ǵylymi zertteý institýttarynyń basshylyq quramyn qaraý, biznes pen qoǵamdy tartyp, baiqaý keńesterin qurý jáne basqa da sharalar júrgiziletin bolady», - dedi ministr.
