ٷكٸمەت وتىرىسىندا قر بٸلٸم جەنە عىلىم مينيسترٸ اسحات ايماعامبەتوۆ عالىمداردى قولداۋ شارالارىنا دا توقتالدى, دەپ حابارلايدى قازاقپارات.
«جاس عالىمداردىڭ زەرتتەۋلەرٸنە 1000 گرانت بٶلۋ, 500 عالىمدى جەتەكشٸ شەتەلدٸك عىلىمي ورتالىقتاردا تاعىلىمداماعا جٸبەرۋ ۇيىمداستىرىلادى. العاش رەت 2022 جىلى جوعارى وقۋ ورىندارى مەن عىلىمي زەرتتەۋ ينستيتۋتتارىندا پوستدوكتورانتۋرا ەنگٸزٸلەدٸ.
ەگەر بۇرىن عالىمدار جالاقىنى تەك كونكۋرستار ارقىلى عانا الاتىن بولسا, ەندٸ جەتەكشٸ عالىمدار تۇراقتى جالاقى الاتىن بولادى. بۇل – 85 عىلىمي ۇيىمنىڭ 1200-گە جۋىق جەتەكشٸ عالىمدارىنىڭ جاعدايىن جاقسارتادى», - دەدٸ اسحات ايماعامبەتوۆ.
بۇل جەردە ەڭگٸمە فۋندامەنتالدى زەرتتەۋلەرمەن اينالىساتىن تاريح جەنە ەتنولوگييا ينستيتۋتى, تٸل بٸلٸمٸ ينستيتۋتى, ماتەماتيكا ينستيتۋتى, يادرولىق فيزيكا ينستيتۋتى, ەدەبيەت جەنە ٶنەر ينستيتۋتى, فيلوسوفييا ينستيتۋتى عالىمدارى تۋرالى ايتىلىپ وتىر.
«مەملەكەتتٸڭ قولداۋىنىڭ ارقاسىندا عىلىمدى قارجىلاندىرۋ جىل سايىن ارتىپ كەلەدٸ. عىلىمي جوبالاردى قارجىلاندىرۋعا ارنالعان كونكۋرستار 3 جىلدا بٸر رەت ەمەس, ەندٸ جىل سايىن ٶتكٸزٸلەدٸ.
عىلىمدى باسقارۋدا مەملەكەتتٸك عىلىمي ينستيتۋتتاردىڭ اۋديتٸ, عىلىمي زەرتتەۋ ينستيتۋتتارىنىڭ باسشىلىق قۇرامىن قاراۋ, بيزنەس پەن قوعامدى تارتىپ, بايقاۋ كەڭەستەرٸن قۇرۋ جەنە باسقا دا شارالار جٷرگٸزٸلەتٸن بولادى», - دەدٸ مينيستر.
