Foto: akorda.kz
Qazaqstanda úsh jańa memlekettik orden paida bolady. Senat depýtattary memlekettik nagradalar týraly zańǵa engizilgen ózgeristerdi maquldady, dep habarlaidy Ult.kz.
Jańa marapattar Memleket basshysy Qasym-Jomart Toqaev tapsyrmasy aiasynda ázirlengen. Bul bastama Ulttyq quryltai otyrysynda kóterilgen bolatyn.
Zańǵa sáikes, elde kelesi ordender engiziledi:
– "Ál-Farabi" ordeni – bilim, ǵylym, mádeniet jáne rýhani damý salasynda erekshe jetistikke jetken azamattarǵa beriledi.
– "Qoja Ahmet Iasaýi" ordeni – memleketshildikti nyǵaitýǵa, sondai-aq qoǵamdyq-saiasi jáne mádeni-gýmanitarlyq baǵyttardyń damýyna úles qosqan otandyq jáne sheteldik ǵalymdar men qoǵam qairatkerlerine tabystalady.
– "Meiirim" ordeni – qaiyrymdylyq, metsenattyq jáne filantropiialyq qyzmetimen erekshelengen azamattarǵa arnalǵan.
Sonymen qatar, zańnamaǵa bir adamǵa birdei qurmetti ataqty qaita berýge tyiym salatyn norma engizildi.
Aita keteiik, buǵan deiin Prezident Qasym-Jomart Toqaev ǵalymdarmen kezdesý barysynda «Ál-Farabi» ordenin engizýdi usynǵan edi.
Jańa memlekettik marapattar biyl alǵash ret Respýblika kúni qarsańynda tabystalmaq.
