Foto: Ulttyq sport túrleri qaýymdastyǵy
Májilis depýtaty Erlan Sairov qazaq mádenietin Tik-Tok arqyly nasihattaý joldary qarastyrylyp jatqanyn aitty. Osy maqsatta depýtat Tik-Tok áleýmettik jelisiniń vitse-prezidenti Takýa Iamagasimen kezdesip, platformada qazaq mádenietin nasihattaý joldaryn talqylady. Mysaly Qozy-Kórpesh Baian sulý, Abai men Shákárimniń murasyn dúniejúzine taratý josparlary talqylanyp jatyr.«Jastar jii otyratyn áleýmettik jelilerde ulttyq qundylyqtarymyzdy dáripteý durys qadam. Elimiz týraly qyzyqty málimetterdi ǵalamdyq aqparat keńistiginde keńinen taratý kerek. Týrizmdi damytý úshin Qazaqstanda ótetin aýqymdy halyqaralyq sharalardy tolyǵymen paidalaný kerek», - dedi Prezident.
Osy baǵyttaǵy jumystar qarqyndy júrip jatyr. Mysaly Tik Tok jáne Kazakh Tourism birigip #GidpoKazahstaný jobasyn iske qosty. Joba aiasynda elimizdiń kórnekti mekenderi, mádeni jáne tarihi oryndar týraly beinegidter túsiriledi. Naýqan elimizdiń eki iri qalasynan – Astana men Shymkentten bastaý aldy.
Prezident ekrandy da túzeýge tapsyrma berdi. Sebebi kino qoǵamnyń sana-sezimine erekshe yqpal etedi. Óskeleń urpaq sheteldiń keiipkerine emes, óz batyrlarymyzǵa qarap boi túzeýi mańyzdy. Odan bólek qazaq tili kreativti indýstriianyń tiline ainalyp jatyr. Mysaly «Avatar» siiaqty álemdik kinotýyndylar qazaqsha sóilei bastady. Odan bólek Qazaqstannyń atyn búkil álemge tanytyp júrgen talantty jastarymyz qazaq tilin dúnie júzine pash etýde. Dimash Qudaibergen naǵyz qazaqtyń brendine ainalǵan tulǵa.
Ol Euronews telearnasyna bergen suqbatynda qazaq mádenieti men dástúrli mýzykasyn álemdik sahnada tanytýdy ózine mindet etkenin moiyndady.
«Qazir bizdiń mádenietti álemge pash etetin ýaqyt. Qazaqstan - jas el, nebári 33 jasta. Ulttyq qundylyqtarymyzdy álemge kórsetetin kez jetti. Qazaq ekenime maqtanamyn. Meniń mindetim – álemdi elimizdiń mádenietimen, áýenderimen tanystyrý. AQSh, Eýropa men Aziia elderinde 20 myń, 30 myń adamnyń aldynda óner kórsettim, bul meniń qoldaýshylarymnyń arqasy, - dedi ánshi.
Mysaly ánshiniń qyrkúiekte ótken Astanadaǵy kontsertine álemniń túpkir-túpkirinen 10 myńnan asa tyńdaýshylar kelgen. Jankúierlerdiń deni AQSh, Qytai, Ulybritaniia, Italiia, Frantsiia, Ispaniia, Polsha, Belarýs, Irlandiia, Finliandiia, Ózbekstan, Germaniia jáne taǵy basqa elderden kelgen.
«Qazaq tili – azamattyq biregeiligimizdiń jáne rýhani birligimizdiń nyshany. Biz ony kúndelikti qarym-qatynastyń ǵana emes, naǵyz ǵylym men bilimniń tili etýge tiispiz. Bul mindet jóninde buryn da aityldy, osy maqsatty kúshpen, aiqai-shýmen emes, aqylmen, parasatpen iske asyrýymyz kerek. Bul – búkil qoǵamnyń ortaq mindeti», - dedi Qasym-Jomart Toqaev.
Kez kelgen órkenietti el óziniń tarihi muralaryna zor qurmetpen qaraidy. Áigili Maral ishannyń Kenesary hanǵa syilaǵan Qurany tabyldy. Bul – elimizdiń rýhani ómirindegi eleýli oqiǵa. Maral ishan barsha qazaqqa tanymal adam bolǵan. Ol – tól tarihymyzda erekshe orny bar Kenesary hannyń úzeńgiles serigi.
Bul Quran eki ǵasyr boiy qoldan qolǵa ótip, aqyry shetelge shyǵarylǵan eken. Ol janashyr azamattardyń, metsenattardyń kómegimen Qazaqstanǵa qaitaryldy. Quranda Maral ishannyń jáne Kenesary hannyń móri bar. Jádigerge jan-jaqty saraptama jasaldy. Otandyq jáne sheteldik ǵalymdar Qurandy muqiiat zerttedi. Qurannyń, rasynda, Maral ishanǵa tiesili bolǵany jáne Kenesary hanǵa berilgeni anyqtaldy. Búkil elge ortaq qazyna endi Qoja Ahmet Iasaýi kesenesinde saqtalady.
«Kezinde Taiqazannyń elge oralýyn jurt jaqsy yrymǵa balaǵan edi. Kóp uzamai Qazaqstan Táýelsiz memleket boldy. Ult azattyǵy úshin kúresken Kenesarynyń qolynda bolǵan Quran kitabynyń elge kelýi de jaqsy yrym dep oilaimyn. Bul oqiǵa Qazaqstannyń jańa dáýiriniń berekeli bastaýy bolsyn dep tileiik», - dedi Prezident.
