17 mamyr kúni elordadaǵy Triatlon saiabaǵynda mereili, onynshy BI Marathon keń aýqymda ótti. Osy jyldar ishinde meiirimdilik pen úmittiń simvolyna ainalǵan bul iri sharaǵa erekshe qajettiligi bar balalardy qoldaý maqsatynda 5000 adam qatysqan.
Dástúr boiynsha jarys qaiyrymdylyq maqsatta ótti. Slottardy satýdan jáne ózge de qaiyrymdylyq sharalardan túsken shamamen 45 million teńge «BI Juldyzai» korporativtik qoryna aýdaryldy. Bul qor 22 jyldan beri Qazaqstanda balalarǵa meditsinalyq jáne áleýmettik kómek kórsetip keledi. Osy ýaqyt aralyǵynda sheteldik professorlardyń qatysýymen 1800-den astam kúrdeli operatsiia jasaldy, qordyń ońaltý baǵdarlamalarynyń arqasynda 15 myń bala ómiriniń sapasyn jaqsartty. Júzdegen bala alǵash qadam basyp, sóilei bastady.
Osyndai missiia úshin BI Marathon-nyń máresinde kásibi sportshylar, áýesqoi júgirýshiler, balaly otbasylar, aǵa býyn ókilderi jáne erekshe qajettiligi bar jandar jinaldy. Qatysýshylar 21,1 km, 10 km, 5 km qashyqtyqta jáne 5 km skandinaviialyq júriste baq synady. Jeńimpazdarǵa aqshalai syilyqtar, marafon seriktesteriniń syilyqtary tabystaldy. Al 1 km jáne 400 metrlik balalar jarysynda búldirshinder ózderin naǵyz chempion sezinip, estelik syilyqtarǵa ie boldy.
Marafonǵa «BI Juldyzai», «Asar-Ýme» qorlarynyń jáne Unicef uiymynyń qol astyndaǵy balalar da qatysty. Bul sportta shekara joq ekenin taǵy bir márte dáleldedi. 10 km qashyqtyqqa tserebraldy sal aýrýy diagnozy bar balasyn arbaǵa otyrǵyzyp júgirgen er adamnyń qatysýy erekshe tolqynysty sát boldy. Bul kelgen qonaqtardyń júregin tebirentip, mahabbattyń qandai uly kúshi baryn eske saldy.
Skandinaviialyq júris boiynsha qatysqan «Uzaq ómir súrýshiler klýbynyń» músheleri de kópshilikti erekshe shabyttandyrdy. Eń egde qatysýshynyń jasy 79-da.
«Barys» hokkei komandasynyń tanymal oiynshysy Darren Ditske kópshiliktiń nazary aýdy. Ol 21,1 km qashyqtyqty júgirip ótip, salaýatty ómir salty men qaiyrymdylyqqa beijai qaramaýdyń úlgisin kórsetti.
Jankúierlerge de erekshe alǵys aitý kerek. Olar jol boiy atletterdi plakattar, mýzyka jáne kóterińki kóńil kúi arqyly qoldap, sportty merekege ainaldyrdy. Olardyń qoldaýy marafonshylarǵa qarqyndy saqtaýǵa kómektesti.
Marapattaý rásiminde kórermender tosyn syidyń kýási boldy. Qatysýshylardyń biri sahnada súiiktisine usynys jasady. Is-shara ALEM-niń óner kórsetýimen qorytyndylandy.
«Biz bolashaqqa jol syilaý úshin júgirip jatyrmyz. Ár qatysýshynyń úlesi úmitke jeteleidi. Bul jai jarys emes, úlken meiirimdiliktiń kórinisi», – dep atap ótti uiymdastyrýshylar.
BI Marathon 2026 adamdar igi maqsat úshin birikkende, sporttyq jarystyń máni arta túsetinin taǵy da dáleldedi.
