Ispaniianyń Roketas-de-Mar qalasynda estý qabileti nashar shahmatshylar arasynda 2026 jylǵy álem chempionaty aiaqtaldy. Baǵdarlamanyń 17 túri boiynsha Qazaqstan sportshylary 15 medal ielendi, onyń 2-ýi altyn, dep habarlaidy ult.kz.
Ispaniianyń Roketas-de-Mar qalasynda (Almeriia provintsiiasy) ICCD (International Chess Committee of the Deaf) qoldaýymen estý qabileti nashar shahmatshylar arasynda álem chempionaty (20th ICCD World Deaf Team Chess Championship 2026) ótti.
Chempionat baǵdarlamasy ártúrli ýaqyt baqylaýymen (klassika – 90+30, rapid – 10+5 jáne blits – 3+2) ótken 6 komandalyq jáne jeke týrnirdi qamtydy. Jarys erler, áielder jáne 19 jasqa deiingi jasóspirimder (2007 jyldyń 1 qańtarynan keiin týǵandar) arasynda jeke-jeke esepteldi:
20th ICCD World Deaf Team Classical Chess (Men, Women & Junior);
14th ICCD Open Individual Chess Tournament (Men, Women);
1st World Deaf Team Rapid Chess Championship (Men, Women & Junior);
1st World Deaf Team Blitz Chess Championship (Men, Women & Junior);
2nd ICCD World Individual Rapid Chess Championship (Men, Women & Junior);
8th World Deaf Individual Blitz Championship (Men, Women & Junior).
Klassikalyq shahmattan qyzdar quramasy – Altyn Baimolda men Diana Keńeshan jeńimpaz atansa, olardyń qatarlastary Dias Ýsmanov pen Dinmuhammed Oralbaev kúmis júldeni ielendi. Jekelei synda áielder arasynda Nina Jýkovskaia kúmis júldeger atansa, erler arasynda Berik Nurymov qola júldege ie boldy. Sondai-aq, Qazaqstan erler quramasy (Sultan Qojahmetov, Samajan Kettebekov, Viktor Maksimenko, Amangeldi Naýryzǵaliev jáne Maksim Rojkov) qola medal jeńip aldy.
Blitsten 55 jastan asqan áielder (ardagerler) arasynda Nina Jýkovskaia altyn medal alsa, Maigúl Álibaeva qola júldeni qanaǵat tutty. Qyzdar arasynda Altyn Baimolda kúmis júlde iegeri atandy.
Rapidten Sultan Qojahmetov (erler), Berik Nurymov (55+ erler) jáne Altyn Baimolda (qyzdar), sonymen qatar Qazaqstan erler quramasy (S. Qojahmetov, S. Kettebekov, V. Maksimenko, A. Naýryzǵaliev, M. Rojkov jáne B. Nurymov) kúmis medaldarǵa ie boldy. Nina Jýkovskaia (55+ áielder), Diana Keńeshan (qyzdar) jáne jasóspirimder quramasy (Dias Ýsmanov, Dinmuhammed Oralbaev, Altyn Baimolda jáne Diana Keńeshan) qola júldeger atandy.
Jalpy esepte Qazaqstan sportshylary 15 medal jeńip aldy: onyń 2-ýi altyn, 7-ýi kúmis jáne 6-ýy qola.
Bul doda XXI qysqy Sýrdlimpiada oiyndaryna (15–24 qańtar 2027 j., Insbrýk, Avstriia) irikteý kezeńderiniń biri. Jarysqa álemniń 30 elinen 120 sportshy qatysty, onyń 22-si qazaqstandyqtar.
Erekshe sportshylarymyzdyń daiyndyǵy men chempionatqa qatysýyn Qazaqstan shahmat federatsiiasynyń jáne «Dene múmkindikteri shekteýli tulǵalarǵa arnalǵan sporttyq daiarlaý ortalyǵy» RMQK-nyń qoldaýymen «Ulttyq shahmat sýrdo federatsiiasy» QB uiymdastyrdy.
