QR Premer-Ministriniń orynbasary Eraly Toǵjanov Úkimet otrysynan keiin AQ ókilderiniń suraqtaryna jaýap bere otyryp, Qazaqstan aýmaǵynda maska rejimi men Ashyq qosymshasyn qyzmeti toqtatý sheshimi týraly pikir bildirdi, dep habarlaidy QazAqparat.
«Maskany sheshý, Ashyq-ty alyp tastaý siiaqty sharalar asyǵys sheshim emes. Negizgi maqsat – halyqqa jaǵdai jasaý. Onyń ishinde orta, shaǵyn biznestiń bárine 100 paiyz jumys isteýge múmkindik týǵyzyp otyrmyz. Qoiyp otyrǵan suraǵyńyz óte oryndy. Sebebi kórshiles memlekettter, onyń ishinde Qytai memleketinde, Tynyq Muhity aimaǵy elderinde koronavirýstyń áli tómendei qoimaǵanyn baiqap otyrmyz. Sondyqtan biz shekaradaǵy máseleler boiynsha shekteýlerdi áli almai otyrmyz», - dedi Eraly Toǵjanov.
Sondai-aq, ol Qazaqstan tarapy vaktsiantsiia pasportyn moiyndaǵan 33 memlekettiń azamattarynda tikelei kelýine múmkindik bar ekenin atap ótti.
«Sonymen qatar, vaktsinatsiia alǵan azamattardy PTR-testsiz engizýge múmkindikteri bar. Ol ekijaqty kelisilgen memleketaralyq qarym-qatynasqa bailanysty», - dedi Úkimet basshysynyń orynbasary.
