قر پرەمەر-مينيسترٸنٸڭ ورىنباسارى ەرالى توعجانوۆ ٷكٸمەت وترىسىنان كەيٸن اق ٶكٸلدەرٸنٸڭ سۇراقتارىنا جاۋاپ بەرە وتىرىپ, قازاقستان اۋماعىندا ماسكا رەجيمٸ مەن Ashyq قوسىمشاسىن قىزمەتٸ توقتاتۋ شەشٸمٸ تۋرالى پٸكٸر بٸلدٸردٸ, دەپ حابارلايدى قازاقپارات.
«ماسكانى شەشۋ, Ashyq-تى الىپ تاستاۋ سيياقتى شارالار اسىعىس شەشٸم ەمەس. نەگٸزگٸ ماقسات – حالىققا جاعداي جاساۋ. ونىڭ ٸشٸندە ورتا, شاعىن بيزنەستٸڭ بەرٸنە 100 پايىز جۇمىس ٸستەۋگە مٷمكٸندٸك تۋعىزىپ وتىرمىز. قويىپ وتىرعان سۇراعىڭىز ٶتە ورىندى. سەبەبٸ كٶرشٸلەس مەملەكەتتتەر, ونىڭ ٸشٸندە قىتاي مەملەكەتٸندە, تىنىق مۇحيتى ايماعى ەلدەرٸندە كوروناۆيرۋستىڭ ەلٸ تٶمەندەي قويماعانىن بايقاپ وتىرمىز. سوندىقتان بٸز شەكاراداعى مەسەلەلەر بويىنشا شەكتەۋلەردٸ ەلٸ الماي وتىرمىز», - دەدٸ ەرالى توعجانوۆ.
سونداي-اق, ول قازاقستان تاراپى ۆاكتسيانتسييا پاسپورتىن مويىنداعان 33 مەملەكەتتٸڭ ازاماتتارىندا تٸكەلەي كەلۋٸنە مٷمكٸندٸك بار ەكەنٸن اتاپ ٶتتٸ.
«سونىمەن قاتار, ۆاكتسيناتسييا العان ازاماتتاردى پتر-تەستسٸز ەنگٸزۋگە مٷمكٸندٸكتەرٸ بار. ول ەكٸجاقتى كەلٸسٸلگەن مەملەكەتارالىق قارىم-قاتىناسقا بايلانىستى», - دەدٸ ٷكٸمەت باسشىسىنىڭ ورىنباسارى.
