Reseidiń eń biik shyńy sanalatyn Elbrýs taýynda bolǵan qaiǵyly oqiǵa saldarynan bir táýliktiń ishinde alty alpinist kóz jumdy, dep habarlaidy ult.kz.
Aldyn ala málimetterge sáikes, qaza tapqandardyń beseýi – Bosniia jáne Gertsegovinadan kelgen jeti adamdyq týristik toptyń músheleri. Taǵy bir marqum basqa toppen birge shyńǵa kóterilgen Resei azamaty bolǵan.
Tergeý nusqasyna sáikes, aýa raiynyń kenetten kúrt nasharlaýy saldarynan alpinister baǵytynan jańylyp qalǵan. Qalyń qar, boran jáne qatty jeldiń saldarynan olardyń birqatary gipotermiiaǵa ushyrap, iaǵni denesiniń qatty tońýynan kóz jumǵan.
Qazirgi ýaqytta óńirdegi qolaisyz aýa raiy izdestirý-qutqarý jumystaryn aitarlyqtai qiyndatyp otyr. Mamandar joǵalǵandar men zardap shekkenderdi izdeý jumystaryn jalǵastyrýda.
Atalǵan qaiǵyly oqiǵaǵa bailanysty eki nemese odan da kóp adamnyń abaisyzda qaza bolýyna ákep soqqan áreket faktisi boiynsha qylmystyq is qozǵaldy. Tergeý amaldary júrgizilip jatyr.
