Jaqynda Elbasy N.Nazarbaev konstitýtsiialyq reformaǵa bailanysty másele kóterdi. Artynsha halyqqa arnaiy joldaý jasap, Qazaqstannyń jańa baǵyttaryn aiqyndady. Osyǵan orai «Aqparattyq-taldaý ortalyǵynyń» direktory, Qorqyt ata atyndaǵy QMÝ-diń Qazaqstan tarihy, saiasattaný jáne áleýmettaný kafedrasynyń aǵa oqytýshysy, saiasi ǵylymdarynyń kandidaty Sáýletbek Sahievti sózge tartqan edik.
- Elbasy memlekettik bilik tarmaqtary arasyndaǵy ókilettilikterdi bólý týraly úndeý jariialady. Konstitýtsiialyq reforma qoǵamdy demokratiialandyrýdyń bir qadamy ma?
- Iá, bul reforma - qoǵamdy demokratiialandyrýdyń bir qadamy. Sebebi, bilik tarmaqtary arasyndaǵy Prezident ókilettilikteriniń bólinisi, ásirese parlamentke úlken jaýapkershilik berý bul el damýyndaǵy erekshe qadamdardyń biri. Elbasy óz Úndeýinde 40 jýyq ókilettiliktiń bilik tarmaqtary arasynda bólinýin atap ketip, onyń eki baǵyt boiynsha júretinine toqtaldy. Mundai qadamǵa árbir el basqarýshy bara bermeidi. Jahandyq úderiste ómirsheń saiasi júie qalyptastyrý ońai sharýa emes. Halyq qalaýlylarynyń mundai jaǵdaida jumys atqarýy úlken senim men jaýapkershilikti talap etedi. Demokratiialyq qoǵamdy damytý ol birinshi kezekte bilikke degen senimnen paida bolady. Sol sebepti jańa ógerister halyq pen bilik arasyndaǵy altyn kópirdi nyǵaita túsedi degen oidamyn.
- "Ósimniń jańa modeline kóshý tásili ár jerde ár túrli ekenine senimdimin. Biz ózimizdiń myqty tustarymyzdy paidalanyp, Táýelsizdigimizdiń 25 jylynda birge qalyptastyrǵan áleýetimizdi joǵaltyp almaýymyz kerek", - deidi prezident. Biylǵy joldaýǵa arqaý bolǵan "Qazaqstannyń Úshinshi jańǵyrýynan" ne kútemiz? Bul jańǵyrý - memlekettiń qalypty ári jedel damýyna qanshalyqty serpin bermek?
- Elbasynyń «Qazaqstannyń úshinshi jańǵyrýy: jahandyq básekege qabilettilik» biylǵa Joldaý búkil qazaqstandyqtarǵa úlken oi tastady. Bes basymdyqtan quralǵan bul joldaý ómirdiń negizgi bolyp sanalatyn salalaryna basymdyq berligen. Joldaýda el damýyndaǵy jańa tehnologiialardyń orny erekshe ekenine toqtalyp ótti. Biz biletin elektrondy úkimen, internet banking jáne t.b. ómirimizge engen jańa baǵdarlamalar men tehnologiialar ómirimizdi jeńildetip, ózgertekni belgili. Alaida, bul kúndelikti ómirde tutynatyn qyzmetterimiz, al óndiriste she? Damyǵan 30 eldiń qataryna qosylý úshin bizdiń barlyq salalarymyz sol eldermen deńgeiles bolýy qajet. Sol sebepti, óndiriste jańa tehnologiialardy qoldaný, óndiristi tolyq avtomattandyrý jáne jasandy intelekt máselesi ol ómir talaby. Biz jańashyldyqtan qoryppaýymyz kerek, kerisinshe olardy meńgerip, eldiń damýyna qoldanýymyz qajet. Osy rette «Elektrnondy Qazaqstan» atty úlken joba iske qosylmaqshy. Osy rette intelektýaldy qoǵamdy qalyptastyrý maqsatynda IT tehnologiialardy meńgerý qazirgi tańda úlken rol atqarýda.
Suhbattasqan: Ult portaly
.jpeg)