Jaqsy boldy. Basqa basqa, qarapaiym halyqqa kóp tiimdi bastama boldy bul. Elbasynyń Parlament Palatalarynyń birikken otyrysynda aitqan halyqtyń ál-aýqatyn kóterýge arnalǵan bes áleýmettik bastamasyn aitam.
BIRINShI BASTAMA – ár otbasynyń baspanaǵa qoljetimdiligin qamtamasyz etý.
Aldyńyzda 7-20-25 dep tursa, bireýdiń telefon nómiri eken dep qalmańyz. Bul sizdiń ómirińizdi jeńildetetin siqyrly sandar. Naqtyraq aitsaq, osy ýaqytqa deiin bankter úi alýǵa nesieni 18-30 paiyzben, aldyn-ala 50 paiyzyn tóletip, 20 jylǵa deiin-aq ala beretin bolsa, endi Elbasy nesie paiyzyn 7 paiyzǵa deiin, aldyn ala tólemdi 20 paiyzǵa deiin azaityp, al nesieni óteý merzimin 25 jylǵa deiin uzartatynyn aitty.
Biraz adam úili bolatyn boldy.
EKINShI BASTAMA – tómen jalaqy alatyn jumysshylardyń salyq júktemesin on esege azaityp, 1 paiyzǵa túsirý.
Bul bastama 2019 jyldyń 1 qańtarynan bastap iske asady.
«Ózi azǵantai aqshadan taǵy da salyq ustaidy» dep renjimeitin boldyq.
ÚShINShI BASTAMA – joǵary bilimge qoljetimdilikti arttyrý jáne onyń sapasyn kóterý.
Elbasy 2018-2019 jyldary ár jylǵa qosymsha 20 myń grant bólýdi usyndy. Jylda jazda bastalatyn «granttyń jyry» sál báseńsitin shyǵar.
Kolledjder men ýniversitetter 2022 jylǵa deiin jekemenshik-memlekettik seriktestik kómegimen keminde 25 myń oryndyq jataqhana salýy kerek.
Páter jaldap júrgen aýyldyń balalaryna jaqsy boldy.
TÓRTINShI BASTAMA – shaǵyn jáne orta bizneske dem berip, jańadan biznes bastaǵandarǵa qoldaý kórsetý úshin jeńildetilgen shaǵyn nesie kólemin arttyrý.
Al, endi kópten beri alaqanyn ysqylap «óz isimdi bastaýym kerek edi», - dep júrgen myrzalar men hanymdar, senderdiń kúnderiń týdy!
2018 jyly jeńildetilgen shaǵyn nesie kólemin arttyrý úshin qosymsha 20 milliard teńge bólinedi.
BESINShI BASTAMA – Qazaqstannyń ortalyq jáne soltústik aimaqtaryna gaz tartý.
Bir jarym jyl kóleminde gaz tartylsa, jeńgelerimiz ben kelinder ot jaǵyp, kúl shyǵarýdan qutylatyn bolady. Onyń ústine Astananyń aspany únemi shaidai ashyq bolǵaly tur.
Ádilbek Qaba
