QR Tuńǵysh Prezidenti – Elbasy Nursultan Nazarbaevtyń álemniń jetekshi ýniversitetterinde oqyǵan dárister jinaǵy jaryq kórdi, dep habarlaidy "Ult aqparat".
Jinaqty Elbasy kitaphanasy QR Tuńǵysh Prezidenti – Elbasy keńsesiniń basshysy, saiasi ǵylymdar doktory, professor Mahmut Qasymbektiń jetekshiligimen ázirlegen.
Onda Nursultan Nazarbaevtyń 1991-2018 jyldary otandyq jáne sheteldik ýniversitetterde, ǵylymi ortalyqtar men ulttyq akademiialarda oqyǵan dáristeri bar. Dárister mazmuny ulttyq jáne álemdik tarihtyń mańyzdy oqiǵalaryn qamtidy, óńirlik jáne jahandyq qaýipsizdiktiń jańa kórinisteri men qazaq memlekettiliginiń qurylýy men damýy jazylǵan.
«Elbasynyń sarabdal saiasatynyń arqasynda bilim jáne ǵylym salasy úlken jetistikterge qol jetkizdi. Búgin tusaýy kesilgen dárister jinaǵynda bilim salasynda jasalǵan barlyq jumys pen memleketti damytý týraly aqparat bar. Bul kitapty barlyq oqý oryndaryna taratamyz. Meniń oiymsha, joǵary oqý oryndarynyń bilim berý baǵdarlamasy aiasynda da bul kitapty qoldanýǵa bolady. Sondyqtan biz úshin bul – úlken jumys, úlken senim», - dedi QR Bilim jáne ǵylym ministri Ashat Aimaǵambetov kitaptyń tusaýkeserinde.
Elbasy kitaphanasynyń direktory Ámirhan Rahymjanovtyń aitýynsha, ǵylymi izdenispen ainalysyp júrgen qyzmetkerler sońǵy 2-3 jylda 20-dan astam kitap shyǵardy. Onyń kópshiligi Elbasy keńsesiniń basshysy Mahmut Qasymbektiń jetekshiligimen jaryq kórgen.
Qazaqstannyń joǵary oqý oryndaryna tabystaý úshin bul kitapty Ámirhan Rahymjanov Bilim jáne ǵylym ministri Ashat Aimaǵambetovke berdi.
Aita keteiik, QR Tuńǵysh Prezidenti – Elbasy kitaphanasy men QR Bilim jáne ǵylym ministrligi yntymaqtastyq memorandýmyn bekitti. Bul qujat kitaphana men ministrliktiń birlesken mádeni-aǵartý jáne ǵylymi-zertteý jobalaryn júzege asyrýǵa, zertteý baǵdarlamalaryn, ǵylymi-praktikalyq is-sharalar, konferentsiia, forým, seminarlar uiymdastyrýǵa múmkindik beredi.
.jpeg)