Elbasynyń 5 institýtsionaldy reformasy qoǵamymyzdyń jańǵyrýyna úlken serpin berdi. Bul týraly «Talap» qoldanbaly zertteýler ortalyǵynyń direktory Rahym Oshaqbaev aitty, dep habarlaidy QazAqparat.
«Qazaqstanda sońǵy 5 jyldyń ishinde jemqorlyqqa qarsy is-qimylda qandai strategiianyń barynsha tiimdi ekendigine qatysty tiktanikalyq ózgerister boldy. Menińshe, bul ózgerister el ishinde, sarapshylar arasynda syrtqy kontýrada óte jaqsy qabyldanǵan Elbasynyń 5 institýtsionaldy reformasynyń arqasynda 2015 jyldan bastaldy», - dedi ol IX Azamattyq forým aiasynda ótip jatqan «Azamattyq qoǵam jemqorlyqqa qarsy» taqyrybyndaǵy alańda.
Onyń aitýynsha, atalǵan 5 reformada zań ústemdigi, birtektilik jáne birlik, esep beretin memleketti qalyptastyrý syndy mańyzdy túsinikterge arqa súiei otyryp, inkliýzivti institýttar qurý týraly sóz boldy.
«Sonymen qatar inkliýzivti ekonomikalyq ósim syndy túsinik jáne osy ideologiialyq tuǵyrnama aiasynda óte naqty ári túsinikti trend qalyptasty. Onyń aiasynda ashyqtyq, transparenttilik jáne esep beretin memleket trendteri júzege asyrylyp jatyr. Ony túrli memlekettik organdar, ártúrli sheneýnikter árqily jyldamdyqpen qabyldaǵany sózsiz. Degenmen, memlekettik organdar, bilik belgili bir deńgeide halyqtyń suranysyna orai áreket etip jatyr. Jalpy, 5 institýtsionaldy reforma qoǵamymyzdy jańǵyrtýda Qazaqstanǵa úlken serpin bergenin kórip otyrmyz», - dedi Rahym Oshaqbaev.
